പേസ് ബോളിങ്ങിനെ തുണക്കുന്ന ഇംഗ്ലണ്ടിലെ പിച്ചുകളിൽ ഇന്ത്യൻ പേസ് നിരയുടെ പ്രകടനം കാണാൻ ആവേശത്തോടെയാണ് ഇന്ത്യൻ ആരാധകർ കാത്തിരിക്കുന്നത്. ഇന്ത്യൻ- കിവീസ് ആരാധകർ തമ്മിലും സമൂഹമാധ്യമങ്ങളിൽ വാക്പോരുകൾ സജീവമാണ്. ടെസ്റ്റ് ചാമ്പ്യൻഷിപ്പിന്റെ ഭാഗമായി നടന്ന ഇന്ത്യ- ന്യൂസിലൻഡ് പരമ്പര ന്യൂസിലൻഡ് ആണ് സ്വന്തമാക്കിയത്. അവസാന ഏകദിന ലോകകപ്പിലെ സെമിഫൈനലിൽ കിവീസിനോട് തന്നെ തോറ്റാണ് ഇന്ത്യ മടങ്ങിയത്. അതിനാൽ തന്നെ ഇന്ത്യൻ ടീമിനും ആരാധകർക്കും ഇത്‌ അഭിമാന പ്രശ്നം കൂടിയാണ്.
Also Read- ഇന്ത്യക്കിപ്പോള്‍ മികച്ച സമയം; ഇംഗ്ലണ്ട് പര്യടനം ഇന്ത്യ തൂത്തുവാരിയേക്കും; മോണ്ടി പനേസര്‍
advertisement
ഇപ്പോൾ ദിവസങ്ങള്‍ മുന്‍പ് ഇന്ത്യൻ പേസർ ഉമേഷ് നടത്തിയ ചില പ്രസ്താവനകൾ ആരാധകർ ഇരു കയ്യും നീട്ടി സ്വീകരിച്ചിരിക്കുകയാണ്. കിവീസ് നിരയില്‍ ഏറ്റവും പ്രാധാന്യം അര്‍ഹിക്കുന്ന ഒരു വിക്കറ്റ് നായകന്‍ കെയ്ന്‍ വില്യംസണിന്റേത് ആണെന്ന ഇന്ത്യന്‍ പേസര്‍ ഉമേഷ് യാദവ് വെളിപ്പെടുത്തിയിരുന്നു. കൂടാതെ ടെസ്റ്റ് ചാമ്പ്യൻഷിപ്പിന്റെ ഫൈനൽ തങ്ങള്‍ക്ക് യഥാര്‍ത്ഥ ക്രിക്കറ്റ് ലോകകപ്പ് ഫൈനൽ ആണെന്നും ഉമേഷ് തുറന്ന് പറഞ്ഞിരുന്നു.
'ടീമിലെ ചില താരങ്ങളെങ്കിലും ഇനിയും ഇന്ത്യന്‍ കുപ്പായത്തില്‍ നിശ്ചിത ഓവര്‍ ക്രിക്കറ്റ് കളിക്കുമോ എന്നത് വളരെ വലിയൊരു സംശയമാണ്. അതിനാല്‍ തന്നെ ഞങ്ങളെ സംബന്ധിച്ചിടത്തോളം ടെസ്റ്റ് ചാമ്പ്യന്‍ഷിപ്പ് ഫൈനല്‍ പ്രധാന ക്രിക്കറ്റ് ലോകകപ്പിന് തുല്യമാണ്. മികച്ച ടീമുകളെ പരാജയപ്പെടുത്തിയാണ് ഇന്ത്യന്‍ ടീം ഫൈനലിലെത്തിയത്. ടീമിലെ സീനിയര്‍ താരങ്ങളായ ഇഷാന്ത് ശർമ, അജിൻക്യ രഹാനെ എന്നിവര്‍ ഇക്കാര്യം വ്യക്തമാക്കിയതാണ്. ടെസ്റ്റ് ക്രിക്കറ്റ് മാത്രം കളിക്കുന്ന ഞങ്ങളെ സംബന്ധിച്ചിടത്തോളം ഇപ്പോള്‍ വരുന്ന ന്യൂസിലന്‍ഡിനെതിരായ മത്സരം ഒരു ലോകകപ്പ് ഫൈനലിന് തുല്യമാണ്. ടീം മുഴുവനും ഐ സി സി ലോക ടെസ്റ്റ് ചാമ്പ്യന്‍ഷിപ്പ് കിരീടം നേടുവാനുള്ള കഠിന ശ്രമത്തിലാണ്'- ഉമേഷ് യാദവ് വിശദമാക്കി.
News summary: Umesh Yadav says that the World Test Championship is like the World Cup to him.