ഏഴു വര്‍ഷത്തെ ഇടവേളയ്ക്കുശേഷമാണ് സ്വിഫ്റ്റ് മുഖംമിനുക്കി എത്തുന്നത്. ഇതിന് മുമ്പ് 2011ലാണ് അവസാനമായി സ്വിഫ്റ്റ് പരിഷ്ക്കരിച്ച് പുറത്തിറക്കിയത്. സ്വിഫ്റ്റിന്‍റെ പുതിയ മോഡലിനുള്ള ബുക്കിങ് കഴിഞ്ഞ മാസം ആരംഭിച്ചിരുന്നു. 11000 രൂപ നല്‍കി പുതിയ സ്വിഫ്റ്റ് ബുക്ക് ചെയ്യാനാകും.
കെട്ടിലും മട്ടിലും അടിമുടി മാറ്റങ്ങളുമായാണ് പുതിയ സ്വിഫ്റ്റ് വരുന്നത്. അടിസ്ഥാന സവിശേഷതകള്‍ 2005ല്‍ പുറത്തിറക്കിയ മോഡലിന്‍റേത് തന്നെയാണ്. എന്നാല്‍ മുന്‍വശത്തെ ഗ്രില്‍, ഹെഡ് ലാംപ്, ടെയില്‍ ലാംപ് എന്നിവയിലൊക്കെ മാറ്റം ദൃശ്യമാണ്. ടയര്‍, അലോയ് വീല്‍ എന്നിവയുടെ വലുപ്പം വ്യത്യാസപ്പെടുത്തിയിട്ടുണ്ട്. പിന്‍വശത്തെ രൂപകല്‍പന കൂടുതല്‍ ആകര്‍ഷകമാക്കി മാറ്റിയിട്ടുണ്ട്. ഉള്‍വശത്തും വലിയ മാറ്റങ്ങളുമായാണ് സ്വിഫ്റ്റ് വരുന്നത്. ഇതേക്കുറിച്ച് കൂടുതല്‍ വിവരങ്ങള്‍ കമ്പനി പുറത്തുവിട്ടിട്ടില്ല.
advertisement