പാകിസ്ഥാൻ മുൻ സൈനിക മേധാവി ടോയ്‌ലറ്റിൽ വഴുതി വീണ് തലയ്ക്ക് ഗുരുതര പരിക്ക്

പരിക്കുകൾ ഗുരുതരമായതിനെത്തുടർന്ന് സൈനിക ആശുപത്രിയിൽ അദ്ദേഹത്തെ അടിയന്തര ശസ്ത്രക്രിയയ്ക്ക് വിധേയനാക്കി. നിലവിൽ തീവ്രപരിചരണ വിഭാഗത്തിൽ നിരീക്ഷണത്തിലാണ്. ശസ്ത്രക്രിയ വിജയകരമാണെന്നും ആരോഗ്യനില ഇപ്പോൾ തൃപ്തികരമാണെന്നും ആശുപത്രി അധികൃതർ അറിയിച്ചു. എങ്കിലും തലയ്ക്കേറ്റ പരിക്കായതിനാൽ ഡോക്ടർമാരുടെ പ്രത്യേക സംഘം അദ്ദേഹത്തെ സൂക്ഷ്മമായി നിരീക്ഷിച്ചുവരികയാണ്.

നിലവിൽ ബജ്‌വയുടെ ആരോഗ്യനില സ്ഥിരമാണെങ്കിലും പൂർണ്ണമായും സുഖം പ്രാപിക്കാൻ ആഴ്ചകൾ എടുത്തേക്കാമെന്ന് ഡോക്ടർമാർ സൂചിപ്പിച്ചു. 2016 മുതൽ 2022 വരെ പാകിസ്ഥാൻ സൈനിക മേധാവിയായിരുന്ന ബജ്‌വ രാജ്യത്തെ ഏറ്റവും സ്വാധീനമുള്ള സൈനിക വ്യക്തിത്വങ്ങളിൽ ഒരാളാണ്.

advertisement