ഇന്ത്യ അടക്കം 6 സുഹൃദ് രാജ്യങ്ങൾക്ക് ഹോർമൂസിലൂടെ കടക്കാൻ ഇറാന്റെ അനുമതി

ചൈന, റഷ്യ, പാകിസ്ഥാൻ, ഇറാഖ്, ഇന്ത്യ, ബംഗ്ലാദേശ് എന്നീ രാജ്യങ്ങളിലെ കപ്പലുകൾക്ക് ഹോർമുസ് കടലിടുക്കിലൂടെ സുരക്ഷിതമായി സഞ്ചരിക്കാം. ഈ രാജ്യങ്ങൾ ഇറാനുമായി മുൻകൂട്ടി ആശയവിനിമയം നടത്തുകയും ഏകോപനം ഉറപ്പാക്കുകയും ചെയ്തിട്ടുണ്ട്.

എന്നാൽ, അമേരിക്ക, ഇസ്രായേൽ, കൂടാതെ നിലവിലെ യുദ്ധത്തിൽ പങ്കാളികളായ ചില ഗൾഫ് രാജ്യങ്ങൾ എന്നിവയുടെ കപ്പലുകളെ കടലിടുക്കിലൂടെ കടന്നുപോകാൻ അനുവദിക്കില്ലെന്ന് ഇറാൻ വിദേശകാര്യ മന്ത്രി അബ്ബാസ് അരാഗ്ചി വ്യക്തമാക്കി. മേഖല ഒരു യുദ്ധമേഖലയാണെന്നും ശത്രുരാജ്യങ്ങളുടെ കപ്പലുകളെ കടത്തിവിടേണ്ട സാഹചര്യം ഇറാനില്ലെന്നും അദ്ദേഹം കൂട്ടിച്ചേർത്തു. കഴിഞ്ഞ ബുധനാഴ്ച രണ്ട് കപ്പലുകൾ മാത്രമാണ് കടലിടുക്ക് കടന്നത്.

advertisement

സാമ്പത്തിക പ്രത്യാഘാതം

ലോകത്തിലെ എണ്ണ വിതരണത്തിന്റെ അഞ്ചിലൊന്ന് കടന്നുപോകുന്ന പാതയാണിത്. യുദ്ധത്തെത്തുടർന്ന് ഈ പാതയിലൂടെയുള്ള കപ്പൽ ഗതാഗതത്തിൽ 95 ശതമാനം കുറവ് രേഖപ്പെടുത്തിയിട്ടുണ്ട്. സാധാരണയായി പ്രതിദിനം 120 കപ്പലുകൾ കടന്നുപോകാറുള്ള സ്ഥാനത്ത് മാർച്ച് 1 മുതൽ 25 വരെയുള്ള കാലയളവിൽ വെറും 155 കപ്പലുകൾ മാത്രമാണ് ആകെ കടന്നുപോയത്.

എണ്ണ വിതരണം തടസ്സപ്പെട്ടത് ആഗോളതലത്തിൽ ഇന്ധനക്ഷാമത്തിനും വിലക്കയറ്റത്തിനും കാരണമായിട്ടുണ്ട്. പല രാജ്യങ്ങളും കോവിഡ് കാലത്തിന് സമാനമായ സാമ്പത്തിക സഹായ പദ്ധതികൾ ആവിഷ്കരിക്കാനുള്ള ഒരുക്കത്തിലാണ്.

Summary: In a significant diplomatic development, Iran has officially permitted commercial vessels from India and five other "friendly nations" to safely transit the Strait of Hormuz, despite the ongoing West Asia conflict. Iranian Foreign Minister Abbas Araghchi confirmed that while the strategic waterway is closed to "enemies" like the US and Israel, it remains accessible to nations that coordinate with Tehran.