ഒറ്റ ഫ്രയിമിൽ മലയാളത്തിന്റെ സുന്ദരികളായ രണ്ട് താരങ്ങൾ; ഇതിൽ അമ്മയ്ക്ക് ഇന്ന് പിറന്നാൾ

ഒരൊറ്റ ഫോട്ടോയിൽ രണ്ട് താരങ്ങൾ. ഒരാൾ സിനിമയിൽ എത്തിയപ്പോഴേക്കും മറ്റെയാൾ വീട്ടമ്മയായി, അമ്മയുടെ ഉത്തരവാദിത്തങ്ങളുമായി തിരക്കിയായി മാറിയിരുന്നു. ഇന്ന് അമ്മയുടെ പിറന്നാളിന് മകളുടെ സമ്മാനമാണ് ഈ ചിത്രം. രണ്ടുപേരും മലയാള സിനിമയിൽ നിന്നും തന്നെ. കട്ടിലിൽ കിടക്കുന്ന മകളെക്കൂടാതെ ഈ അമ്മയ്ക്ക് ഒരു മകനുമുണ്ട്

ഒരു കുടുംബം മുഴുവൻ സിനിമ തന്നെ ജീവിതമാക്കിയ കുടുംബം എന്ന് വിളിക്കുന്നതാവും നല്ലതു. ഈ ഫോട്ടോയിലെ രണ്ട് സുന്ദരികളിൽ ഒരാളാണ് മുകളിൽക്കണ്ട ചിത്രം പോസ്റ്റ് ചെയ്തത്. ഒരാൾ കീർത്തി സുരേഷ് എന്ന് ഫോട്ടോ കണ്ടാൽ മനസിലാക്കാം. മറ്റെയാൾ ആരെന്നു കണ്ടെത്താൻ ഒരു സൂചനയെങ്കിലും ലഭിച്ചോ എന്ന് നോക്കുക (തുടർന്ന് വായിക്കുക)

ഞാൻ ഇത്രയും കഠിനാധ്വാനിയായതിൽ, ചിന്തകളിൽ പക്വതപ്രാപിച്ചയാൾ ആയതിന്, അച്ചടക്കമുള്ളതായതിനാൽ, ആരോഗ്യകരമായ ഭക്ഷണം കഴിക്കുന്നയാൾ ആയതിനു എല്ലാം കാരണക്കാരി എന്നാണ് മകൾ കല്യാണി പ്രിയദർശൻ അമ്മ ലിസി ലക്ഷ്മിയെ വിശേഷിപ്പിക്കുന്നത്

മലയാള സിനിമ വിട്ടിട്ടു വർഷങ്ങൾ പലതായി എങ്കിലും, ലിസി ഇന്ന് പ്രേക്ഷകർക്ക് പ്രിയങ്കരി തന്നെ. കണ്ടാൽ സന്തൂർ മമ്മി അല്ല എന്നാരും പറയില്ല താനും

1991ലെ 'മെയ് ദിനം' ആണ് ലിസി ഏറ്റവും അവസാനമായി വേഷമിട്ട മലയാള ചിത്രം. വിവാഹത്തോടെ ലിസി അഭിനയം അവസാനിപ്പിക്കുകയായിരുന്നു. അതിനു ശേഷം ഒരു തെലുങ്ക് സിനിമയിൽ വർഷങ്ങൾക്ക് ശേഷം ലിസി അഭിനയിച്ചിരുന്നു

സുഹൃത്തുക്കൾ, യാത്രകൾ, ഫിറ്റ്നസ് എന്നിങ്ങനെ നിരവധികാര്യങ്ങളിലൂടെ ലിസി ഇന്നും സജീവമാണ്. അടുത്തിടെ വിദേശത്തേക്ക് സോളോ ട്രിപ്പും ലിസി നടത്തിയിരുന്നു. ഒരു യാത്ര മകൾ കല്യാണിക്കൊപ്പം ആയിരുന്നു

ഈ വർഷമാദ്യം ലിസിയുടെയും പ്രിയദർശന്റെയും മകൻ സിദ്ധാർത്ഥിന്റെ വിവാഹം നടന്നിരുന്നു. അമേരിക്കൻ സ്വദേശിയായ മെർലിനാണ് ലിസിയുടെ മരുമകൾ