'മായിച്ചുകളയാൻ പറ്റുന്നതല്ല അങ്ങനെ'; സാമന്തയുടെ ശരീരത്തിൽ ചൈതന്യയുടെ പേര്; വീണ്ടും ഒന്നിക്കുന്നുവെന്ന് ആരാധകർ

തെന്നിന്ത്യയില്‍ ഏറെ ആരാധരുണ്ടായ താരദമ്പതിമാരായിരുന്നു സാമന്തയും നാഗചൈതന്യയും. 2017ല്‍ വിവാഹിതരായ ഇരുവരും 2021ല്‍ ആണ് വേര്‍പിരിഞ്ഞത്. ഇതിനു പിന്നാലെ ഇവർ വീണ്ടും ഒന്നിക്കുന്നുവെന്ന തരത്തിലുള്ള വാർത്തകൾ ഉയർന്നിരുന്നു.

സാമന്തയും നാഗചൈതന്യയും വീണ്ടും ഒന്നിക്കുന്നു. എല്ലാ ഊഹാപോഹങ്ങൾക്കും വിട പറഞ്ഞ്കൊണ്ട് സാമന്ത തന്നെയാണ് ഇതിനെ കുറിച്ചുള്ള സൂചനകള്‍ ആരാധകരുമായി പങ്കുവച്ചിരിക്കുന്നത്.

നാഗ ചൈതന്യയുടെ പേര് സാമന്ത തന്റെ ശരീരത്തിൽ ടാറ്റൂ ചെയ്തിരുന്നു. ഇതിന്റെ ചിത്രങ്ങളും മുമ്പ് സാമന്ത തന്നെ പങ്കുവെച്ചിരുന്നു.

എന്നാൽ കുറച്ച് നാൾ മുൻപ് പങ്കുവച്ച പോസ്റ്റിൽ ടാറ്റൂ കാണാനില്ലെന്ന് ആരാധകർ പറഞ്ഞിരുന്നു. എന്നാൽ ഇപ്പോഴിതാ ഈ ടാറ്റൂ വീണ്ടും പ്രത്യക്ഷപ്പെട്ടിരിക്കുകയാണ്.

ഏറെ നാളത്തെ പ്രണയത്തിനൊടുവിലായിരുന്നു സാമന്തയും നാഗചൈതന്യയും വിവാഹിതരായത്. വിവാഹത്തിനു മുമ്പ് തന്നെ ഇരുവരും കപ്പിൾസ് ടാറ്റൂ ചെയ്തിരുന്നു. 2017 ലായിരുന്നു ഇരുവരും തമ്മിലുള്ള വിവാഹം.

അടുത്തിടെ സാമന്തയും നാഗചൈതന്യയും വീണ്ടും ഒന്നിക്കുന്നതായി വാർത്തകൾ പ്രചരിച്ചിരുന്നു. സാമന്തയുടേയും നാഗചൈതന്യയുടേയും വളർത്തുനായയുമായി ബന്ധപ്പെട്ടായിരുന്നു ഇരുവരും ഒന്നിക്കുന്നതായി വാർത്തകൾ പ്രചരിച്ചത്.

ഒന്നിച്ചുണ്ടായിരുന്ന സമയത്ത് ഇരുവരുടേയും ഓമനയായിരുന്ന വളർത്തുനായയായിരുന്നു ഹാഷ്. നാഗചൈതന്യയുമായി പിരിഞ്ഞതിനു ശേഷം സാമന്തയ്ക്കൊപ്പമായിരുന്നു ഹാഷ് ഉണ്ടായിരുന്നത്.