Manju Pillai | ഊർമിളാ ഉണ്ണിയുടെ രഹസ്യം മഞ്ജു പിള്ളയുടെ പക്കൽ; നിരന്തരം ശല്യപ്പെടുത്തി വാങ്ങിയതാണ് 'വശ്യഗന്ധി' എന്ന്

കേരളത്തിലെ പ്രേക്ഷകർക്ക് ഏറെ പരിചയമുള്ള രണ്ട് നടിമാരാണ് മഞ്ജു പിള്ളയും (Manju Pillai) ഊർമിളാ ഉണ്ണിയും (Urmila Unni). നന്നേ ചെറുപ്പം മുതലേ അഭിനയജീവിതം ആരംഭിച്ച ഇവർ മിനി സ്ക്രീനിലും ബിഗ് സ്ക്രീനിലും പ്രേക്ഷകർക്ക് പരിചിതരായി മാറിക്കഴിഞ്ഞു. ഇവർ തമ്മിലും ഒരു നല്ല ബന്ധം നിലനിൽക്കുന്നു എന്നതിന്റെ ഉദാഹരണമാണ് മഞ്ജു പിള്ളയുടെ ഏറ്റവും പുതിയ ഇൻസ്റ്റഗ്രാം പോസ്റ്റ്

ഒരുപാട് കാലമായി ഊർമിള ഉണ്ണിയിൽ നിന്നും കൊതിച്ച ഒരു രഹസ്യം മഞ്ജു പിള്ളയുടെ കയ്യിലുണ്ട്. വളരെ വർഷങ്ങളായി ഊർമിള ഉണ്ണി അടുത്ത് വരുമ്പോഴെല്ലാം ആ രഹസ്യം മഞ്ജുവിനെ വല്ലാതെ ആകർഷിച്ചിരുന്നു (തുടർന്ന് വായിക്കുക)

അങ്ങനെ ഇക്കുറി സംഗതി ഒരു കുപ്പിയിലാക്കി മഞ്ജു പിള്ളയുടെ പക്കലെത്തി. ഊർമ്മിളയുടെ സമ്മാനമായി. അതിനെക്കുറിച്ചാണ് മഞ്ജു പിള്ളയുടെ ഏറ്റവും പുതിയ പോസ്റ്റും

ഊർമിള ഉണ്ണിയുടേതായ ഒരു സുഗന്ധം എന്നും സഹപ്രവർത്തകരെ ആകർഷിച്ചിരുന്നു. വീട്ടിൽ അമ്മയുണ്ടാക്കുന്ന സുഗന്ധ ദ്രവ്യമാണത് എന്നായിരുന്നു ഊർമിള എല്ലാവരോടുമായി പറഞ്ഞത്. ഒടുവിൽ നിരന്തരം ശല്യപ്പെടുത്തിയത് കൊണ്ടാകും, ആ സുഗന്ധം നിർമിക്കാൻ ഊർമിള ഉണ്ണി മുന്നോട്ടുവരികയായിരുന്നു എന്ന് മഞ്ജു

'വശ്യഗന്ധി' എന്നാണ് ആ പെർഫ്യൂമിന്റെ പേര്. അത് പരിചയപ്പെടുത്തുന്ന പോസ്റ്റാണ് മഞ്ജു പിള്ള ഇൻസ്റ്റഗ്രാമിൽ ഏറ്റവും ഒടുവിലായി ചെയ്തിരിക്കുന്നതും. ഒരു കണ്ണാടി കുപ്പിയിൽ നിറച്ച പെർഫ്യൂം തനിക്ക് നന്നേ ഇഷ്‌ടമായി എന്ന് മഞ്ജു

മഞ്ജു പിള്ള അടുത്തിടെ പുതിയ വീട് സ്വന്തമാക്കിയതിന്റെ വിശേഷങ്ങൾ സോഷ്യൽ മീഡിയയിൽ പോസ്റ്റ് ചെയ്തിരുന്നു. തിരുവനന്തപുരത്താണ് മഞ്ജു പിള്ളയുടെ പുത്തൻ ഫ്ലാറ്റ്. മകൾ ദയക്കൊപ്പമാണ് മഞ്ജു ഗൃഹപ്രവേശം നടത്തിയത്

ഊർമിള ഉണ്ണി അമ്മൂമ്മയായതിന്റെ സന്തോഷത്തിലാണ്. ഏക മകൾ ഉത്തര ഉണ്ണിക്ക് ഉണ്ണി പിറന്ന നല്ല വിശേഷം വീടിനെ ആനന്ദഭരിതമാക്കിയിരിക്കുന്നു. ഉത്തരയ്ക്ക് പിറന്നത് ഒരു മകളാണ്