Mallu Traveler| 'എനിക്കെതിരായ പരാതി 100% ഫേക്ക്; തെളിവുകൾ കൊണ്ട് നേരിടും'; ലൈംഗികാതിക്രമ പരാതിയിൽ മല്ലു ട്രാവലറുടെ പ്രതികരണം
- Published by:Rajesh V
- news18-malayalam
Last Updated:
പരാതിക്കാരിയുടെ മൊഴിയെടുത്തിട്ടുണ്ടെന്നും ഇനി രഹസ്യമൊഴി കൂടി രേഖപ്പെടുത്തുമെന്നും എറണാകുളം സെന്ട്രല് പൊലീസ് അറിയിച്ചു
advertisement
1/5

കൊച്ചി: സൗദി യുവതിയോട് അപമര്യാദയായി പെരുമാറിയെന്ന പരാതിയിൽ പൊലീസ് കേസെടുത്തതിന് പിന്നാലെ പ്രതികരണവുമായി വ്ലോഗർ 'മല്ലുട്രാവലര്' എന്ന ഷക്കീർ സുബാൻ. ഫേസ്ബുക്കിലൂടെയായിരുന്നു മല്ലു ട്രാവലറുടെ പ്രതികരണം. (Image: Mallu Traveler/ Facebook)
advertisement
2/5
''എന്റെ പേരിൽ ഒരു ഫേക്ക് പരാതി വാർത്ത കണ്ടു. 100 % ഫേക്ക് ആണ്. മതിയായ തെളിവുകൾ കൊണ്ട് അതിനെ നേരിടും. എന്നോട് ദേഷ്യം ഉള്ളവർക്ക് ഒരു ആഘോഷമാക്കാനുള്ള അവസരമാണ് ഇതെന്ന് അറിയാം. എന്റെ ഭാഗം കൂടി കേട്ടിട്ട്, അഭിപ്രായം പറയണം എന്ന് അപേക്ഷിക്കുന്നു''- മല്ലു ട്രാവലര് ഫേസ്ബുക്കിൽ കുറിച്ചു. (Image: Mallu Traveler/ Facebook)
advertisement
3/5
സൗദി സ്വദേശിനി നല്കിയ പരാതിയിലാണ് എറണാകുളം സെന്ട്രല് പൊലീസ് കേസെടുത്തത്. അശ്ലീലച്ചുവയോടെ സംസാരിച്ചെന്നും കടന്നുപിടിച്ചെന്നുമാണ് സൗദി സ്വദേശിനിയുടെ പരാതിയില് ആരോപിക്കുന്നത്. കൊച്ചിയില് ഒരു അഭിമുഖത്തിന് എത്തിയപ്പോഴാണ് സംഭവമുണ്ടായതെന്നും പറയുന്നു. (Image: Mallu Traveler/ Facebook)
advertisement
4/5
കൊച്ചിയിലെ ഹോട്ടലില് അഭിമുഖത്തിനായാണ് സൗദി യുവതിയെ വിളിച്ചുവരുത്തിയത്. വിവാഹം കഴിക്കാനിരിക്കുന്ന യുവാവും യുവതിക്കൊപ്പം ഉണ്ടായിരുന്നു. ഒപ്പമുണ്ടായിരുന്ന യുവാവ് പുറത്തുപോയ സമയത്താണ് മല്ലുട്രാവലര് അതിക്രമം കാണിച്ചെന്നാണ് പരാതിയില് പറയുന്നത്. (Image: Mallu Traveler/ Facebook)
advertisement
5/5
കേസുമായി ബന്ധപ്പെട്ട് ഷക്കീർ സുബാനെ ബന്ധപ്പെട്ടെങ്കിലും ഇയാള് വിദേശത്താണെന്നാണ് പോലീസിന് ലഭിച്ചവിവരം. പരാതിക്കാരിയുടെ മൊഴിയെടുത്തിട്ടുണ്ടെന്നും ഇനി രഹസ്യമൊഴി കൂടി രേഖപ്പെടുത്തുമെന്നും എറണാകുളം സെന്ട്രല് പൊലീസ് അറിയിച്ചു. (Image: Mallu Traveler/ Facebook)
മലയാളം വാർത്തകൾ/Photogallery/Crime/
Mallu Traveler| 'എനിക്കെതിരായ പരാതി 100% ഫേക്ക്; തെളിവുകൾ കൊണ്ട് നേരിടും'; ലൈംഗികാതിക്രമ പരാതിയിൽ മല്ലു ട്രാവലറുടെ പ്രതികരണം