Prabhas | റിലീസ് ചെയ്യും മുൻപേ കോടികളുടെ ക്ലബിൽ ഇടം നേടി പ്രഭാസിന്റെ 'ആദിപുരുഷ്'

പ്രഭാസും (Prabhas) കൃതി സനോനും (Kriti Sanon) അഭിനയിച്ച ആദിപുരുഷിന്റെ (Adipursh) ഷൂട്ടിംഗ് പൂർത്തിയായി ചിത്രം ഇപ്പോൾ അതിന്റെ പോസ്റ്റ്-പ്രൊഡക്ഷൻ ഘട്ടത്തിലാണ്. ഓം റൗട്ട് സംവിധാനം ചെയ്ത ചിത്രം പ്രഭാസിന്റെ കരിയറിലെ ഏറ്റവും വലിയ ചിത്രമെന്നാണ് വിലയിരുത്തപ്പെടുന്നത്. ഭൂഷൺ കുമാറിന്റെ ടി-സീരീസും റെട്രോഫിൽസും സംയുക്തമായി നിർമ്മിക്കുന്ന ചിത്രം 300 കോടി രൂപ ബജറ്റിലാണ് ഒരുക്കിയത്

ഇന്ത്യൻ ഇതിഹാസമായ രാമായണത്തിന്റെ സിനിമാറ്റിക് അഡാപ്റ്റേഷനായ ഈ സിനിമയിൽ നടൻ സെയ്ഫ് അലി ഖാൻ രാവണനായി അഭിനയിക്കും. ലങ്കേഷ് എന്നായിരിക്കും കഥാപാത്രത്തിന് പേര്. റിലീസിനും മുൻപ് സിനിമയുടെ തിയേറ്റർ അവകാശം വമ്പൻ തുകക്ക് വിറ്റുപോയതും വാർത്തയായിക്കഴിഞ്ഞു (തുടർന്നു വായിക്കുക)

ചിത്രത്തിൽ രാഘവായി പ്രഭാസ് അഭിനയിക്കും. കൃതി സനോൻ ജാനകിയായും സണ്ണി സിംഗ് ലക്ഷ്മണനായും വേഷമിടും. കഴിഞ്ഞ വർഷം നവംബറിൽ തുടങ്ങി 103 ദിവസം കൊണ്ടാണ് ചിത്രത്തിന്റെ ഷൂട്ടിംഗ് പൂർത്തിയാക്കിയത്

സലാറിലും പിന്നീട് രാധേ ശ്യാമിലുമാണ് പ്രഭാസ് അവസാനമായി അഭിനയിച്ചത്. നിർഭാഗ്യവശാൽ, കാണികളെ ആകർഷിക്കുന്നതിൽ രണ്ട് സിനിമകളും പരാജയപ്പെട്ടു. ഇപ്പോൾ ആരാധകരും പ്രഭാസും ഈ ചിത്രത്തെ കുറിച്ച് വലിയ പ്രതീക്ഷയിലാണ്

ആദിപുരുഷിന്റെ റിലീസിനായി കാത്തിരിക്കുന്നതിനു പുറമേ, പ്രഭാസിന് നാഗ് അശ്വിന്റെ 'പ്രൊജക്‌റ്റ് കെ' കൂടിയുണ്ട്. മെഗാ ക്യാൻവാസ് എന്ന് പറയപ്പെടുന്ന, പാൻ ഇന്ത്യ പ്രൊജക്റ്റിൽ ദീപിക പദുക്കോൺ നായികയായും അമിതാഭ് ബച്ചൻ ഒരു പ്രധാന വേഷത്തിലും അഭിനയിക്കുന്നു

ആദിപുരുഷിനായി ഉയർന്ന വിഎഫ്എക്സ് ഇഫക്റ്റുകൾ തയാറായിട്ടുണ്ട്. ചിത്രം വരുന്ന സംക്രാന്തിക്ക് റിലീസ് ചെയ്യുമെന്നും പറയപ്പെടുന്നു

സിനിമയുടെ തെലുങ്ക് തിയറ്റർ അവകാശം 100 കോടി രൂപയ്ക്ക് പ്രമുഖ പ്രൊഡക്ഷൻ ഹൗസായ യുവി ക്രിയേഷൻസ് സ്വന്തമാക്കിയെന്നാണ് ഇപ്പോൾ ലഭിക്കുന്ന വിവരം