കുന്നംകുളത്ത് ആക്രിക്കടയിൽ വൻ തീപ്പിടുത്തം: 15 ലക്ഷത്തോളം രൂപയുടെ നാശനഷ്ടം

കുന്നംകുളം: നഗരത്തിൽ ആക്രിസാധനങ്ങള്‍ ശേഖരിക്കുന്ന സ്ഥാപനത്തിൽ അഗ്നിബാധ.

പട്ടാമ്പി സ്വദേശി മുസ്തഫയുടെ ഉടമസ്ഥതയിൽ യേശുദാസ് റോഡില്‍ വ്യാപാരഭവന് സമീപമുള്ള ആക്രിശേഖരണ സ്ഥാപനത്തിലായിരുന്നു തീപിടുത്തം.

ഇന്ന് പുലർച്ചെ 4.30 ഓടെയായിരുന്നു സംഭവം. സംഭവ സമയത്ത് ജീവനക്കാര്‍ ഉണ്ടായിരുന്നുവെങ്കിലും ഇവര്‍ക്ക് തീയണയക്കാന്‍ കഴിഞ്ഞില്ല.

തീ ആളിപടര്‍ന്നതോടെ സമീപത്തെ ബുക്ക് ബൈന്റിംഗും കത്തി നശിച്ചു. ഇതോടെ ഫയര്‍ഫോഴ്‌സിനെ അറിയിക്കുകയായിരുന്നു.

കുന്നംകുളത്തിന് പുറമേ തൃശ്ശൂര്‍, ഗുരുവായൂര്‍, പൊന്നാനി, വടക്കാഞ്ചേരി എന്നിവിടങ്ങളില്‍ നിന്നുള്ള ഫയര്‍ഫോഴ്‌സും സ്ഥലത്തെത്തി മണിക്കൂറുകള്‍ നീണ്ട പരിശ്രമത്തിനൊടുവിലാണ് നഗരഹൃദയത്തിലെ മറ്റ് സ്ഥാപനങ്ങളിലേക്ക് തീപടരാതെ നിയന്ത്രണ വിധേയമാക്കാനായത്.

ഏകദേശം 15 ലക്ഷം രൂപയുടെ നഷ്ടം കണക്കാക്കുന്നതായി കടയുടമ പറഞ്ഞു. ഷോര്‍ട്ട് സര്‍ക്യൂട്ടാണ് അഗ്നിബാധയ്ക്ക് കാരണമെന്നാണ് പ്രാഥമിക വിലയിരുത്തല്‍.

രക്ഷാപ്രവർത്തനത്തിനെത്തിയ ഫയർഫോഴ്സ്

തീ അണക്കാനുള്ള ശ്രമങ്ങൾ

തീ അണച്ചശേഷം അഗ്നിശമന സേന

തീപിടുത്തത്തിൽ പൂർണമായും കത്തിനശിച്ച ആക്രിക്കട

അഗ്നിശമന സേനാ അംഗങ്ങളും നാട്ടുകാരും രക്ഷാപ്രവർത്തനത്തിന് ശേഷം

സ്ഥലത്ത് തടിച്ചു കൂടിയ നാട്ടുകാർ

തീ അണക്കാനുള്ള ശ്രമങ്ങൾ