Diwali 2024|ദീപാവലി ദിനത്തിൽ വാസ്തുപ്രകാരം ഈ 5 കാര്യങ്ങൾ ചെയ്താൽ സമ്പത്ത് ഇരട്ടിക്കും

ഈ വർഷത്തെ ദീപാവലിയ്ക്ക് നാളെ(വ്യാഴാഴ്ച്ച)യാണ്. സമ്പത്തിന്റേയും ഐശ്വര്യത്തിന്റേയും പ്രതീകമായ ദീപാവലിയെ വരവേൽക്കാനുള്ള ഒരുക്കങ്ങളിലാണ് നാടും ന​ഗരവുമെല്ലാം. ഈ ശുഭമുഹൂർത്തത്തിൽ ലക്ഷ്മി ദേവിയ മനസ്സിൽ ധ്യാനിച്ചുകൊണ്ട് എന്തുകാര്യങ്ങൾ ചെയ്താലും ജീവിതത്തിൽ അത് ശുഭകരമായ മാറ്റങ്ങൾ കൊണ്ടുവരുമെന്നാണ് വിശ്വാസം.ഇരുട്ടിൻമേൽ വെളിച്ചത്തിൻ്റെയും തിന്മയുടെ മേൽ നന്മയുടെയും വിജയത്തിൻ്റെയും പ്രതീകമാണ് ദീപാവലിയെന്നാണ് വിശ്വാസം.

ഈ വർഷത്തെ ദീപാവലി ഒക്ടോബർ 31 വ്യാഴാഴ്ച്ചയാണ്. ലക്ഷ്മി പൂജാ മുഹൂർത്തം: 6:52 PM മുതൽ 8:41 PM വരെ (ഒക്‌ടോബർ 31, 2024)യും. ഈ സാഹചര്യത്തിൽ ശനിയുടെ ചലനമനുസരിച്ച് ദീപാവലിയോടെ ഈ 4 രാശിക്കാരുടെ ജീവിതത്തിൽ സർവൈശ്വര്യം ഉണ്ടാകുമെന്നാണ് പറയപ്പെടുന്നത്. വാസ്തുപ്രകാരം ദീപാവലി ദിനത്തിൽ ഈ 5 കാര്യങ്ങൾ ചെയ്യുന്നത് ജീവിതത്തിൽ സമ്പത്ത് വർദ്ധിപ്പിക്കുമെന്നാണ് വിശ്വാസം.

കുബേർ വിഗ്രഹം/യന്ത്രം സ്ഥാപിക്കുക: നിങ്ങളുടെ വീടിൻ്റെയോ പൂജാമുറിയുടെയോ വടക്ക് ഭാഗത്ത് കുബേർ വിഗ്രഹമോ യന്ത്രമോ സ്ഥാപിക്കുന്നത് ജീവിതത്തിലേക്ക് സമ്പത്ത് ആകർഷിക്കുന്നതായി കണക്കാക്കപ്പെടുന്നു.

ദീപം തെളിയിക്കുക: വാസ്തുപ്രകാരം നിശ്ചയിച്ചിട്ടുളള സ്ഥലങ്ങളിൽ ദീപങ്ങൾ തെളിയിക്കുന്നത് ജീവിതത്തിൽ സമ്പത്തും ഐശ്വര്യവും കൊണ്ടുവരും.

കറുപ്പ് നിറം ഒഴിവാക്കുക: നിങ്ങളുടെ പൂജാമുറി വൃത്തിയുള്ളതും തിളക്കമുള്ള നിറങ്ങളാൽ നന്നായി അലങ്കരിക്കുക. ആരാധനാലയത്തിന് ചുറ്റുമുള്ള കറുത്ത വസ്ത്രങ്ങളും കറുപ്പ് നിറവും ഒഴിവാക്കുന്നതാണ് ഉത്തമം.

പ്രകൃതിയുടെ നിറങ്ങൾ ഉപയോഗിക്കുക: രംഗോലികൾ നിർമ്മിക്കുമ്പോൾ പ്രകൃതിയുടെ നിറങ്ങൾ ഉപയോഗിക്കുക. അതുപോലെ നിങ്ങളുടെ സ്ഥലത്തിന്റെ തെക്ക്-പടിഞ്ഞാറ് മൂലകളിലായി ചെടികൾ നടുക. ഇത് പണം ആകർഷിക്കാൻ സഹായിക്കും. ​

പട്ട് ഉപയോ​ഗിക്കുക: ദീപാവലിയുടെ പൂജാവേളയിൽ പട്ട് ഉപയോ​ഗിക്കുന്നത് നല്ലതായി കണക്കാക്കുന്നു. ഇത് ജീവിതത്തിൽ ഐശ്വര്യവും സമ്പത്തും വർദ്ധിപ്പിക്കും.

(ശ്രദ്ധിക്കുക: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളുടേയും ആചാരങ്ങളുടേയും അടിസ്ഥാനത്തിലാണ്. ന്യൂസ് 18 ഇത് സ്ഥിരീകരിക്കുന്നില്ല.)