അമിതമായ മൊബൈൽ ഫോൺ ഉപയോ​ഗം ബീജത്തിന്റെ ​ഗുണനിലവാരം കുറയ്ക്കുമോ?

ഇന്ന് പലരും നേരിടുന്ന ഒരു പ്രശ്നമാണ് വന്ധ്യത. പലപ്പോഴും നമ്മുടെ ചില തെറ്റായ ചില ജീവിതശൈലികളാണ് ഇത്തരം പ്രശ്നങ്ങളിലേക്ക് നയിക്കുന്നത്. അത്തരത്തിൽ അമിതമായ ഫോൺ ഉപയോ​ഗം വന്ധ്യതയ്ക്ക് കാരണമായേക്കാമെന്ന് ചില പഠനങ്ങൾ ചൂണ്ടിക്കാണിക്കുന്നു.

അതായത് ചില പഠനങ്ങൾ സൂചിപ്പിക്കുന്നത് പ്രകാരം ദീർഘനേരം അല്ലെങ്കിൽ പതിവായുള്ള മൊബൈൽ ഫോൺ ഉപയോഗം ബീജത്തിന്റെ സാന്ദ്രത, ചലനശേഷി, പ്രവർത്തനക്ഷമത എന്നിവ കുറയ്ക്കുന്നതിലേക്ക് നയിച്ചേക്കാം എന്നാണ്.

കാരണം മൊബൈൽ ഫോണുകൾ താഴ്ന്ന നിലയിലുള്ള റേഡിയോ ഫ്രീക്വൻസി ഇലക്ട്രോമാഗ്നറ്റിക് റേഡിയേഷൻ (RF-EMR) പുറപ്പെടുവിക്കുന്നു. ഇത്തരം വികിരണം മനുഷ്യശരീരത്തിലെ ബീജ ഉൽപാദനത്തെയും ഗുണനിലവാരത്തെയും പ്രതികൂലമായി ബാധിക്കുമെന്നാണ് ചില ​ഗവേഷകർ‌ നൽകുന്ന സൂചന.

ഒരു ദിവസം 20 തവണയിൽ കൂടുതൽ മൊബൈൽ ഫോൺ ഉപയോഗിക്കുന്ന പുരുഷന്മാരിൽ ബീജസാന്ദ്രത കുറവായിരിക്കുമെന്ന് പഠനങ്ങൾ തെളിയിച്ചിട്ടുണ്ട്. അത്തരത്തിൽ മൊബൈൽ ഫോൺ ഉപയോഗം ബീജ ചലനശേഷിയെ (ബീജത്തിന്റെ ചലനശേഷി) പ്രതികൂലമായി ബാധിച്ചേക്കാമെന്നും ചില പഠനങ്ങൾ ചൂണ്ടിക്കാണിക്കുന്നു.

അതുപോലെ ബീജരൂപഘടനേയയും ഇത് പ്രതികൂലമായി ബാധിച്ചേക്കാം. കൂടാതെ മൊബൈൽ ഫോൺ വികിരണം ബീജ ഡിഎൻഎ വിഘടിപ്പിക്കാൻ കാരണമാകുമെന്നും ചില പഠനങ്ങൾ പറയുന്നു. എന്നിരുന്നാലും ഇത് സംബന്ധിച്ച് ഇനിയും പഠനങ്ങൾ എത്തേണ്ടതുണ്ട്.