നവരാത്രിയുടെ ഭംഗി കൂട്ടി വർഷങ്ങളായി മുടങ്ങാതെ ബൊമ്മക്കൊലു ഒരുക്കുന്ന മലയിൻകീഴ് സ്വദേശി

തിരുവനന്തപുരം മലയിൻകീഴ് സ്വദേശിയായ രാജേഷും കുടുംബവും കാലങ്ങളായി ബൊമ്മക്കൊലു ഒരുക്കുന്നവരാണ്. രാജേഷും കുടുംബവും നവരാത്രി ആഘോഷങ്ങളുടെ ഭാഗമായി മുടങ്ങാതെ ബൊമ്മക്കൊലു ഒരുക്കുന്നുണ്ട്. സുന്ദരമായ ബൊമ്മക്കൊലു കാഴ്ച രാജേഷിൻ്റെ സുഹൃത്തുക്കളെയും അയൽക്കാരെയും ഒക്കെ ആകർഷിക്കാറുണ്ട്. അടുത്ത സുഹൃത്തുക്കൾ ബൊമ്മക്കൊലു കാണാൻ രാജേഷിൻ്റെ വീട്ടിലെത്തും.

നൂറ്റാണ്ടുകൾ പഴക്കമുള്ള ആചാരമാണ് ബൊമ്മക്കൊലു ഒരുക്കുന്നത്. ദേവതകളെയും പുരാണ രംഗങ്ങളെയും പ്രതിനിധീകരിക്കുന്ന പാവകളെ തട്ടുകളിൽ അണിനിരത്തി, ഓരോ തട്ടിലും ഓരോ പ്രത്യേക പുരാണ രംഗം ചിത്രീകരിക്കുന്നു. ദുർഗ്ഗാദേവി മഹിഷാസുരനെ വധിച്ച് ധർമ്മത്തിൻ്റെ വിജയം ഉറപ്പിച്ചതിൻ്റെ ഓർമ്മപ്പെടുത്തൽ കൂടിയാണ് ഈ ഉത്സവം.

advertisement