ഇൻസ്റ്റഗ്രാമിലൂടെ പെൺകുട്ടികളുടെ നഗ്നചിത്രം കൈക്കലാക്കി ഭീഷണിപ്പെടുത്തുന്ന 'സഞ്ജു' അറസ്റ്റിൽ

സമൂഹമാധ്യമത്തിൽ പരിചയപ്പെട്ട പ്രായപൂർത്തിയാകാത്ത പെൺകുട്ടിയുടെ നഗ്നചിത്രം കൈക്കലാക്കി ഭീഷണിപ്പെടുത്തിയ ആൾ അറസ്റ്റിൽ. കോഴിക്കോട് രാമനാട്ടുകര സ്വദേശി ഷെമീർ അലിയാണ് അറസ്റ്റിലായത്. വിവാഹിതനും മൂന്ന് മക്കളുടെ പിതാവുമായ ഇയാൾ സഞ്ജു എന്ന വ്യാജ പ്രൊഫൈൽ ഉണ്ടാക്കിയാണ് ഇൻസ്റ്റഗ്രാമിൽ ചാറ്റ് ചെയ്തിരുന്നത്. ഇയാൾ ഇത്തരത്തിൽ സംസ്ഥാനത്തെ വിവിധ ജില്ലകളിലെ 30 ഓളം പെൺകുട്ടികളുടെ ഫോട്ടോ കൈക്കലാക്കിയതായും പോലീസ് സംശയിക്കുന്നു.