ചാമ്പക്ക നൽകാമെന്ന് പറഞ്ഞ് കൂട്ടിക്കൊണ്ടുപോയി ലൈംഗിക പീഡനം; അമ്മയോട് പറയുമെന്ന് പറഞ്ഞതോടെ കുളത്തിൽ തള്ളിയിട്ടു കൊന്നു

തൃശൂർ മാളയിൽ ആറുവയസുകാരനെ അയൽവാസിയായ യുവാവ് കൊലപ്പെടുത്തിയത് അതിക്രൂരമായെന്ന് സൂചന. ചാമ്പക്ക നൽകാമെന്ന് പറഞ്ഞ് പ്രതി ജിജോ (20) കുട്ടിയെ കുളത്തിനരികിലേക്ക് വിളിച്ചുകൊണ്ടു പോയി ലൈംഗിക പീഡനത്തിന് ഇരയാക്കുകയായിരുന്നു. കുട്ടി ഇത് വീട്ടിൽ അമ്മയോട് പറയുമെന്ന് പറഞ്ഞതോടെ കുളത്തിലേക്ക് തള്ളിയിടുകയായിരുന്നുവെന്ന് ജിജോ പൊലീസിന് മൊഴി നൽകി. മുങ്ങിത്താഴുന്നതിനിടെ കുളത്തിൽ നിന്നും കുട്ടി രക്ഷപെടാൻ ശ്രമിച്ചെങ്കിലും വീണ്ടും കുളത്തിലേക്ക് തള്ളിയിട്ട് കുട്ടിയുടെ മരണം ജിജോ ഉറപ്പിക്കുകയായിരുന്നെന്നും മൊഴിയിലുണ്ട്.