Drishyam 2 Errors Video | ദൃശ്യം രണ്ടിൽ 42 അബദ്ധങ്ങളുണ്ട്; തെളിവ് സഹിതമുള്ള വീഡിയോ കാണാം

അസാധാരണ മികവോടെ ഓരോ സീനിലും സസ്പെൻസ് നിറച്ചുവെച്ച് ഒരുക്കിയ ചിത്രമാണ് ദൃശ്യം 2. സാങ്കേതികത്തികവിൽ മുന്നിട്ടു നിൽക്കുമ്പോഴും സിനിമയിൽ കണ്ടുവന്ന 42 തെറ്റുകൾ വിശദമാക്കിക്കൊണ്ടുള്ള വീഡിയോ പുറത്തുവന്നിരിക്കുന്നു. ദൃശ്യം 2-ലെ രംഗങ്ങൾ അതിസൂക്ഷ്മമായി നിരീക്ഷിച്ച് കണ്ടെത്തിയ തെറ്റുകളാണ് വീഡിയോയിൽ ഉള്ളത്.

മലയാളം മൂവി മിസ്റ്റേക്ക്സ് എന്ന യൂട്യൂബ് ചാനൽ വഴിയാണ് ദൃശ്യം 2-ലെ 42 തെറ്റുകൾ അനാവരണം ചെയ്യുന്നത്. അതേസമയം സിനിമയെ മോശപ്പെടുത്താനല്ലെന്നും വിമർശനത്തിനല്ലെന്നുമുള്ള മുഖവുരയോടെയാണ് ഈ വീഡിയോ തുടങ്ങുന്നത്. എന്‍റർടെയ്ൻമെന്‍റ് മാത്രമാണ് തങ്ങളുടെ ഉദ്ദേശമെന്നും പറയുന്നു. അബദ്ധങ്ങൾ ഇല്ലാത്ത ഒരു സിനിമ പോലും ഇല്ല, അതിനാൽ ഈ അബദ്ധങ്ങളൊന്നും സിനിമയുടെ ആസ്വാദനത്തെ നെഗറ്റീവായി ബാധിക്കുന്നില്ലെന്നും വീഡിയോയിൽ മുഖവുരയായി പറയുന്നു. ഈ വീഡിയോ മോശമാണെന്നു കരുതുന്നവർ കണ്ടേണ്ടതില്ലെന്നും വ്യക്തമാക്കുന്നുണ്ട്.