ജനഗണമന, കടുവ സിനിമകളിൽ പ്രതിഫലം വാങ്ങിയില്ലേ? പൃഥ്വിരാജ് വ്യക്തത വരുത്തണമെന്ന് ആദായനികുതി വകുപ്പ്

നടൻ പൃഥ്വിരാജ് സുകുമാരന് ആദായനികുതി വകുപ്പ് നോട്ടീസ്. പൃഥ്വിരാജ് അഭിനയിച്ച മൂന്നു സിനിമകളുടെ പ്രതിഫലത്തിൽ വ്യക്തത വരുത്തണമെന്ന് ആദായനികുതി വകുപ്പ് അറിയിച്ചു. കടുവ, ജനഗണമന, ഗോൾഡ് സിനിമകളുടെ പ്രതിഫലത്തിലാണ് വ്യക്തത തേടിയത്. നികുതി വെട്ടിപ്പിന്റെ ഭാഗമാണോ എന്നതിനെക്കുറിച്ചാണ് വകുപ്പ് അന്വേഷിക്കുന്നത്. സിനിമയിൽ അഭിനയിച്ചതിന് പൃഥ്വിരാജ് പ്രതിഫലം വാങ്ങിയിരുന്നില്ല, എന്നാൽ നിർമാതാവ് എന്ന നിലയിൽ 40 കോടി രൂപയോളം വാങ്ങിയതായാണ് കണ്ടെത്തൽ.