Amala Paul | അമല പോളിന് ഇന്ന് പിറന്നാൾ; താരത്തിന്റെ കണ്ടിരിക്കേണ്ട പ്രധാന ചിത്രങ്ങൾ
- Published by:user_57
- news18-malayalam
Last Updated:
അമല പോളിന്റെ ഏഴു പ്രധാന ചിത്രങ്ങൾ
മലയാളം, തമിഴ്, തെലുങ്ക് സിനിമകളിലെ അഭിനയത്തിലൂടെയാണ് നടി അമല പോൾ (Amala Paul) അറിയപ്പെടുന്നത്. 'മൈന'യിലെ പ്രകടനം ഏറെ പ്രശംസ പിടിച്ചുപറ്റിയിരുന്നു. 'ഹെബ്ബുലി' എന്ന ചിത്രത്തിലൂടെയാണ് നടി കന്നഡ സിനിമയിൽ അരങ്ങേറ്റം കുറിച്ചത്. ഹിന്ദി വെബ് സീരീസായ 'രഞ്ജിഷ് ഹി സാഹിയിലും' 'വിക്ടിം: ഹൂ ഈസ് നെക്സ്റ്റ്?' എന്ന തമിഴ് പരമ്പരയിലും അവർ അഭിനയിച്ചിട്ടുണ്ട്. രണ്ടും ഈ വർഷം പുറത്തിറങ്ങി.
ഒരു ഇന്ത്യൻ പ്രണയകഥയിലെ അഭിനയത്തിന് ഏഷ്യാനെറ്റ് ഫിലിം അവാർഡും അമൃത ഫിലിം അവാർഡും കൂടാതെ 2015ലെ 'മിലി' എന്ന ചിത്രത്തിലെ അഭിനയത്തിന് ഫിലിംഫെയർ അവാർഡ് സൗത്ത് ഉൾപ്പെടെ നിരവധി അംഗീകാരങ്ങൾ നടിക്ക് ലഭിച്ചിട്ടുണ്ട്.
ഈ ജന്മദിനത്തിൽ, അമലയുടെ ഇതുവരെ പുറത്തിറങ്ങിയതും, വരാനിരിക്കുന്നതുമായ പ്രധാന സിനിമകൾ പരിശോധിക്കാം:
കുട്ടി സ്റ്റോറി: തമിഴ് റൊമാന്റിക്-ആന്തോളജി സിനിമയിൽ നാല് ഹ്രസ്വചിത്രങ്ങൾ ഉൾപ്പെടുന്നു. അമല പോൾ അഭിനയിച്ച 'എതിർപ്പാരാ മുത്തം' അതിലൊന്നാണ്. 2021-ൽ പുറത്തിറങ്ങിയ ചിത്രം രണ്ട് ഉറ്റസുഹൃത്തുക്കളുടെ പ്രണയകഥയെ ചുറ്റിപ്പറ്റിയാണ്
advertisement
പിത്ത കത്തലു: ഇത് മറ്റൊരു ആന്തോളജി ചിത്രമാണ്. ഇത് നെറ്റ്ഫ്ലിക്സിന്റെ ആദ്യത്തെ തെലുങ്ക് ഒറിജിനൽ കൂടിയായിരുന്നു. നാല് ഭാഗങ്ങളുള്ള ചിത്രത്തിൽ, 'മീര' എന്ന ഷോർട്ട് ഫിലിമിൽ ജഗപതി ബാബുവിനൊപ്പം അമല വേഷമിട്ടു.
ക്രിസ്റ്റഫർ: ബി. ഉണ്ണികൃഷ്ണൻ സംവിധാനം ചെയ്യുന്ന മലയാളം ആക്ഷൻ ത്രില്ലർ. ചിത്രത്തിൽ മമ്മൂട്ടിയ്ക്കൊപ്പം അമല പോൾ അഭിനയിക്കുന്നു.
കടാവർ: ഈ പോലീസ് പ്രൊസീജറൽ ത്രില്ലർ ചിത്രം സംവിധാനം ചെയ്തത് അനൂപ് പണിക്കറാണ്. അമല പോൾ അവതരിപ്പിക്കുന്ന പാത്തോളജിസ്റ്റും. കൊലപാതകങ്ങൾ പരിഹരിക്കാൻ ശ്രമിക്കുന്ന ഒരു പോലീസ് കമ്മീഷണറും ചേർന്ന കഥയാണ് ഉള്ളടക്കം.
advertisement
ആടുജീവിതം: വരാനിരിക്കുന്ന മലയാളം സർവൈവൽ ചിത്രം ഇതേ പേരിലെ നോവലിനെ ആസ്പദമാക്കിയുള്ളതാണ്. ചിത്രത്തിൽ സൈനു എന്ന കഥാപാത്രത്തെയാണ് അമല പോൾ അവതരിപ്പിക്കുന്നത്.
ആടൈ: 2019 ലെ തമിഴ് ത്രില്ലറിൽ അമലാ പോൾ പ്രധാന വേഷത്തിൽ അഭിനയിക്കുന്നു, രത്ന കുമാറാണ് ഇത് സംവിധാനം ചെയ്തത്. നിരൂപകരിൽ നിന്നും പ്രേക്ഷകരിൽ നിന്നും നല്ല പ്രതികരണമാണ് ആടൈയ്ക്ക് ലഭിച്ചത്.
അതോ അന്ത പറവൈ പോല: 'അതോ അന്ത പറവൈ പോല' വരാനിരിക്കുന്ന ഒരു ആക്ഷൻ-അഡ്വെഞ്ചർ സിനിമയാണ്. കെ.ആർ. വിനോദ് സംവിധാനം ചെയ്ത ചിത്രത്തിൽ അമല പോൾ, ആശിഷ് വിദ്യാർത്ഥി, സമീർ കൊച്ചാർ എന്നിവർ അഭിനയിക്കുന്നു.
advertisement
Summary: On October 26, Amala Paul celebrates her birthday. Here is a list of her must-watch movies. She has acted in several languages. The actor also has a few movies in the line-up
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
October 26, 2022 1:20 PM IST
മലയാളം വാർത്തകൾ/ വാർത്ത/Film/
Amala Paul | അമല പോളിന് ഇന്ന് പിറന്നാൾ; താരത്തിന്റെ കണ്ടിരിക്കേണ്ട പ്രധാന ചിത്രങ്ങൾ
