Yuvraj Singh prays for Sanjay Dutt |'ആ വേദന എനിക്കറിയാം.. പക്ഷെ നിങ്ങൾ ഒരു പോരാളിയാണ് ഈ ഘട്ടം മറികടക്കും': സഞ്ജയ് ദത്തിന് സുഖാശംസ നേർന്ന് യുവരാജ് സിംഗ്
അസുഖ വിവരം അറിഞ്ഞ സഞ്ജയ് ദത്ത് ആകെ തകർന്നു പോയെന്നാണ് അദ്ദേഹത്തിന്‍റെ സുഹൃത്തുക്കളെ ഉദ്ധരിച്ചുള്ള റിപ്പോർട്ട്. തന്‍റെ കുഞ്ഞ് മക്കളെ ഓർത്താണ് താരം ആശങ്കപ്പെടുന്നതെന്നാണ് സുഹൃത്തിന്‍റെ വാക്കുകൾ
Yuvraj Singh, Sanjay Dutt,
- News18 Malayalam
- Last Updated :
ബോളിവുഡ് താരം സഞ്ജയ് ദത്ത് എത്രയും വേഗം രോഗമുക്തി നേടി തിരികെ വരാൻ ആശംസയുമായി യുവരാജ് സിംഗ്. ബോളിവുഡിന്‍റെ 'സഞ്ജു ബാബ'ക്ക് ശ്വാസകോശ അർബുദം സ്ഥിരീകരിച്ചെന്ന റിപ്പോർട്ട് കഴിഞ്ഞ ദിവസം പുറത്തു വന്നിരിന്നു. ഇതിന് പിന്നാലെയാണ് സമാനമായ ഘട്ടത്തിലൂടെ കടന്നു പോയിട്ടുള്ള യുവരാജ് സിംഗ് സുഖാശംസ നേർന്നെത്തിയത്. ശ്വാസകോശം അർബുദം ബാധിച്ചിട്ടുള്ള യുവരാജ് അതിനോട് പോരാടി ജീവിതത്തിലേക്ക് മടങ്ങി വന്നിട്ടുള്ളയാൾ കൂടിയാണ്.
ശ്വാസതടസ്സം അനുഭവപ്പെട്ടതിന് തുടർന്ന് ഇക്കഴിഞ്ഞ ഓഗസ്റ്റ് എട്ടിനാണ് 61കാരനായ സഞ്ജയ് ദത്തിനെ മുംബൈയിലെ ലീലാവതി ആശുപത്രിയിൽ പ്രവേശിപ്പിച്ചത്. കോവിഡ് സംശയിച്ച് പരിശോധന നടത്തിയിരുന്നുവെങ്കിലും നെഗറ്റീവ് ആയിരുന്നു.
രണ്ട് ദിവസത്തെ ആശുപത്രി വാസത്തിന് ശേഷം ആരോഗ്യപരമായ കാരണങ്ങളാൽ അഭിനയത്തിൽ നിന്നും ഒരു ഇടവേള എടുക്കുകയാണെന്നും എത്രയും വേഗം മടങ്ങി വരുമെന്നും വ്യക്തമാക്കി താരം സോഷ്യല്‍ മീഡിയയിൽ ഒരു കുറിപ്പ് പോസ്റ്റ് ചെയ്തിരുന്നു. എന്നാൽ രോഗവിവരം സംബന്ധിച്ച വിശാദംശങ്ങൾ വെളിപ്പെടുത്തിയിരുന്നില്ല.
പക്ഷെ കഴിഞ്ഞ ദിവസം രാത്രിയോടെ അദ്ദേഹത്തിന് ശ്വാസകോശ അർബുദം സ്ഥിരീകരിച്ചുവെന്നും വിദഗ്ധ ചികിത്സയ്ക്കായി യുഎസിലേക്ക് പോവുകയാണെന്നും റിപ്പോർട്ടുകൾ എത്തുകയായിരുന്നു. അസുഖ വിവരം അറിഞ്ഞ സഞ്ജയ് ദത്ത് ആകെ തകർന്നു പോയെന്നാണ് അദ്ദേഹത്തിന്‍റെ സുഹൃത്തുക്കളെ ഉദ്ധരിച്ചുള്ള റിപ്പോർട്ട്. തന്‍റെ കുഞ്ഞ് മക്കളെ ഓർത്താണ് താരം ആശങ്കപ്പെടുന്നതെന്നാണ് സുഹൃത്തിന്‍റെ വാക്കുകൾ. ഇരട്ടക്കുട്ടികളാണ് സഞ്ജയ് ദത്തിന്. നിലവിൽ ഭാര്യ മാന്യതയ്ക്കൊപ്പം ദുബായിലാണിവർ.
You are, have and always will be a fighter @duttsanjay. I know the pain it causes but I also know you are strong and will see this tough phase through. My prayers and best wishes for your speedy recovery.
— Yuvraj Singh (@YUVSTRONG12) August 11, 2020
ശ്വാസതടസ്സം അനുഭവപ്പെട്ടതിന് തുടർന്ന് ഇക്കഴിഞ്ഞ ഓഗസ്റ്റ് എട്ടിനാണ് 61കാരനായ സഞ്ജയ് ദത്തിനെ മുംബൈയിലെ ലീലാവതി ആശുപത്രിയിൽ പ്രവേശിപ്പിച്ചത്. കോവിഡ് സംശയിച്ച് പരിശോധന നടത്തിയിരുന്നുവെങ്കിലും നെഗറ്റീവ് ആയിരുന്നു.
രണ്ട് ദിവസത്തെ ആശുപത്രി വാസത്തിന് ശേഷം ആരോഗ്യപരമായ കാരണങ്ങളാൽ അഭിനയത്തിൽ നിന്നും ഒരു ഇടവേള എടുക്കുകയാണെന്നും എത്രയും വേഗം മടങ്ങി വരുമെന്നും വ്യക്തമാക്കി താരം സോഷ്യല്‍ മീഡിയയിൽ ഒരു കുറിപ്പ് പോസ്റ്റ് ചെയ്തിരുന്നു. എന്നാൽ രോഗവിവരം സംബന്ധിച്ച വിശാദംശങ്ങൾ വെളിപ്പെടുത്തിയിരുന്നില്ല.
പക്ഷെ കഴിഞ്ഞ ദിവസം രാത്രിയോടെ അദ്ദേഹത്തിന് ശ്വാസകോശ അർബുദം സ്ഥിരീകരിച്ചുവെന്നും വിദഗ്ധ ചികിത്സയ്ക്കായി യുഎസിലേക്ക് പോവുകയാണെന്നും റിപ്പോർട്ടുകൾ എത്തുകയായിരുന്നു. അസുഖ വിവരം അറിഞ്ഞ സഞ്ജയ് ദത്ത് ആകെ തകർന്നു പോയെന്നാണ് അദ്ദേഹത്തിന്‍റെ സുഹൃത്തുക്കളെ ഉദ്ധരിച്ചുള്ള റിപ്പോർട്ട്. തന്‍റെ കുഞ്ഞ് മക്കളെ ഓർത്താണ് താരം ആശങ്കപ്പെടുന്നതെന്നാണ് സുഹൃത്തിന്‍റെ വാക്കുകൾ. ഇരട്ടക്കുട്ടികളാണ് സഞ്ജയ് ദത്തിന്. നിലവിൽ ഭാര്യ മാന്യതയ്ക്കൊപ്പം ദുബായിലാണിവർ.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
