News18 Mega Opinion Poll: യുപിയിൽ ഇൻഡി സഖ്യത്തെ തകർത്ത് ബിജെപി തേരോട്ടം; 80ല്‍ 77 സീറ്റും എൻഡിഎക്കെന്ന് സർവേഫലം
- Published by:Rajesh V
- news18-malayalam
Last Updated:
സമാജ് വാദി പാർട്ടിയും കോൺഗ്രസും അടങ്ങിയ ഇൻഡി സഖ്യം 2 സീറ്റുകളിൽ ഒതുങ്ങുമെന്നും ഒറ്റയ്ക്ക് മത്സരിക്കുന്ന ബിഎസ്പിക്ക് ഒരു സീറ്റ് കൊണ്ട് തൃപ്തിപ്പെടേണ്ടിവരുമെന്നും സർവേ ഫലം
രാജ്യം ആര് ഭരിക്കണമെന്ന് തീരുമാനിക്കുന്നതിൽ നിർണായകമാണ് ഉത്തർ പ്രദേശിലെ ലോക്സഭാ തെരഞ്ഞെടുപ്പ് ഫലം. 80 ലോക്സഭാ അംഗങ്ങളാണ് യുപിയിലുള്ളത്. അതുകൊണ്ടുതന്നെ യുപി പിടിക്കുന്നവർ രാജ്യം ഭരിക്കുമെന്നാണ് പൊതുവെ വിലയിരുത്തപ്പെടുന്നത്. Network 18ന്റെ മെഗാ ഒപ്പീനിയൻ പോൾ പ്രകാരം 80 സീറ്റുകളില്‍ 77 ഉം നേടി ബിജെപിയുടെ നേതൃത്വത്തിലുള്ള എൻഡിഎ സംഖ്യം വിജയക്കൊടി പാറിക്കുമെന്നാണ് പ്രവചനം.
സമാജ് വാദി പാർട്ടിയും കോൺഗ്രസും അടങ്ങിയ ഇൻഡി സഖ്യം 2 സീറ്റുകളിൽ ഒതുങ്ങുമെന്നും ഒറ്റയ്ക്ക് മത്സരിക്കുന്ന ബിഎസ്പിക്ക് ഒരു സീറ്റ് കൊണ്ട് തൃപ്തിപ്പെടേണ്ടിവരുമെന്നും സർവേ ഫലം ചൂണ്ടിക്കാട്ടുന്നു.
അഭിപ്രായ വോട്ടെടുപ്പ് അനുസരിച്ച്, ബിജെപി നേതൃത്വത്തിലുള്ള സഖ്യം സംസ്ഥാനത്ത് 57% വോട്ടുകൾ നേടിയേക്കാം, അതേസമയം ഇൻഡി സഖ്യം 26%, ബിഎസ്പി 9%, മറ്റുള്ളവർ 8% വോട്ടുകൾ നേടിയേക്കാം.
യുപിയിലെ ഫലം പ്രധാനം
ഏറ്റവും കൂടുതൽ സീറ്റുകളുള്ള രണ്ടാമത്തെ സംസ്ഥാനമായ മഹാരാഷ്ട്രയിൽ 48 ലോക്സഭാ സീറ്റുകൾ മാത്രമേയുള്ളൂ എന്നതിൽ നിന്ന് യുപിയുടെ പ്രാധാന്യം മനസ്സിലാക്കാം. ഇന്ത്യക്ക് ഏറ്റവും കൂടുതൽ പ്രധാനമന്ത്രിമാരെ നൽകിയതും ഉത്തർപ്രദേശാണ്. സംസ്ഥാനത്തിന്റെ പ്രാധാന്യം ലോക്‌സഭയിലെ സംഖ്യാബലത്തിൽ ഒതുങ്ങുന്നില്ല. അതിന്റെ രാഷ്ട്രീയം ഇപ്പോൾ ഇന്ത്യയുടെ രാഷ്ട്രീയ ഭൂപ്രകൃതിയുടെ വഴിത്തിരിവുകളെ നിർവചിക്കുന്നു.
advertisement
21 പ്രധാന സംസ്ഥാനങ്ങളിലെ 518 ലോക്സഭാ മണ്ഡലങ്ങളെ ഉൾപ്പെടുത്തി, മാർച്ച് 13, മാർച്ച് 14 തീയതികളിൽ സംപ്രേഷണം ചെയ്യുന്ന ന്യൂസ് 18 നെറ്റ്‌വർക്ക് മെഗാ അഭിപ്രായ വോട്ടെടുപ്പിൽ 95% ലോക്സഭാ മണ്ഡലങ്ങളെ പ്രതിനിധീകരിക്കുന്ന, 1,18,616-ലധികം പേർ പ്രതികരിച്ചു.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
March 13, 2024 10:50 PM IST
മലയാളം വാർത്തകൾ/ വാർത്ത/India/
News18 Mega Opinion Poll: യുപിയിൽ ഇൻഡി സഖ്യത്തെ തകർത്ത് ബിജെപി തേരോട്ടം; 80ല്‍ 77 സീറ്റും എൻഡിഎക്കെന്ന് സർവേഫലം
