സിപിഐ സിപിഎമ്മിനെ പരാജയപ്പെടുത്തി;രാമങ്കരി പഞ്ചായത്തിൽ ജയം യുഡിഎഫ് പിന്തുണയോടെ
- Published by:Nandu Krishnan
- news18-malayalam
Last Updated:
യുഡിഎഫ് അംഗങ്ങള്‍ സിപിഐക്ക് അനുകൂലമായി വോട്ട് ചെയ്തു
ആലപ്പുഴ രാമങ്കരി പഞ്ചായത്ത് വൈസ് പ്രസിഡന്റ് തെരഞ്ഞെടുപ്പില്‍ യുഡിഎഫിന്റെ പന്തുണയോടെ സിപിഐ സിപിഎമ്മിനെ പരാജയപ്പെടുത്തി. സിപിഐയിലെ രമ്യ മോള്‍ സജീവിനെ വൈസ് പ്രസിഡന്റായി തെരഞ്ഞെടുത്തു. സിപിഎമ്മിലെ മോള്‍ജി രാജേഷിനെയാണ് രമ്യ മോള്‍ സജീവ് പരാജയപ്പെടുത്തിയത്.13 അംഗ ഭരണസമിതിയില്‍ രമ്യ സജീവിന് ഏഴു വോട്ടും മോള്‍ജി രാജേഷിന് അഞ്ചു വോട്ടുമാണ് ലഭിച്ചത്.പ്രസിഡന്റിന്റെ വോട്ട് അസാധുവായി.
യുഡിഎഫിന്റെ വൈസ് പ്രസിഡന്റായിരുന്ന ഷീന രാജപ്പന്‍ രാജിവച്ച ഒഴിവിലാണ് തെരഞ്ഞെടുപ്പ് നടന്നത്. അവസാനത്തെ ആറുമാസം കോൺഗ്രസ് അംഗത്തിന് പ്രസിഡന്റ്,വൈസ് പ്രസിഡന്റ് സ്ഥാനം നൽകാനുള്ള യുഡിഎഫിലെ ധാരണ പ്രകാരമാണ് ഷീന രാജപ്പന്‍ രാജിവച്ചത്. സിപിഐ സ്ഥാനാര്‍ഥിയെ നിറുത്തിയതോടെ യുഡിഎഫ് മത്സരത്തിൽ നിന്ന് പിൻമാറി. യുഡിഎഫ് അംഗങ്ങൾ സിപിഐക്ക് അനുകൂലമായി വോട്ട് ചെയ്തു.
13 അംഗ പഞ്ചായത്ത് ഭരണസമിതിയില്‍ ഒമ്പത് അംഗങ്ങളായിരുന്നു സിപിഎമ്മിനുണ്ടായിരുന്നത്. പാര്‍ട്ടിയുടെ വിപ്പ് ലംഘിച്ച് നാല് സിപിഎം അംഗങ്ങള്‍ വോട്ട് ചെയ്തതോടെ പഞ്ചായത്ത് ഭരണം കോൺഗ്രസിന്റെ കൈകളിലെത്തുകയായിരുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Alappuzha,Kerala
First Published :
April 19, 2025 9:08 PM IST
മലയാളം വാർത്തകൾ/ വാർത്ത/Kerala/
സിപിഐ സിപിഎമ്മിനെ പരാജയപ്പെടുത്തി;രാമങ്കരി പഞ്ചായത്തിൽ ജയം യുഡിഎഫ് പിന്തുണയോടെ
