ലഹരിക്കെതിരെ കുടുംബശ്രീയുടെ കുട്ടി പട്ടാളം: സമാപന ചർച്ച കൊല്ലം കലക്ടറുമായി നടത്തി കുട്ടികൾ

ലഹരിക്കെതിരെ പുതുതലമുറയെ ബോധവൽക്കരിക്കുന്നതിനായി സംഘടിപ്പിച്ച ക്യാമ്പിൻ്റെ സമാപനത്തിൻ്റെ ഭാഗമായി കുടുംബശ്രീയുടെ കുട്ടിക്കൂട്ടം ജില്ലാ കളക്ടറുടെ മുന്നിലെത്തി. കഴിഞ്ഞ ദിവസങ്ങളിലായി കൊട്ടാരക്കര കിലയില്‍ ഒത്തുകൂടി ലഹരിയെന്ന വിപത്തിനെ അകറ്റുന്നതിനായി ആര്‍ജിച്ച അറിവുകളും കുട്ടികള്‍ പങ്കിട്ടു. അപകടഘട്ടങ്ങളിലും ലഹരിപോലുള്ള വിപത്തുകളുടെ വ്യാപനവേളയിലും കുട്ടികള്‍ അപായസൂചനയുമായി മുന്നിലെത്തുന്നത് മാതൃകാപരമാണെന്ന് ജില്ലാ കലക്ടര്‍ പറഞ്ഞു. കുടുംബശ്രീയുടെ പ്രവര്‍ത്തനങ്ങളുടെ വ്യാപ്തികൂടിയാണ് ഇത്തരം കൂട്ടായ്മകളിലൂടെ സമൂഹമധ്യത്തിലെത്തുന്നതെന്നും കൂട്ടിച്ചേര്‍ത്തു.