'വിങ്സ് ഓഫ് ഇമാജിനേഷൻ'; കോഴിക്കോട് ലളിതകലാ അക്കാദമിയിൽ പ്രത്യേക പരിഗണന അർഹിക്കുന്ന കുട്ടികളുടെ ചിത്രപ്രദർശനം

കോഴിക്കോട് ജില്ലയിലെ വിവിധ സ്കൂളുകളിൽ പഠിക്കുന്ന പ്രത്യേക പരിഗണന അർഹിക്കുന്ന 22 കുട്ടികളുടെ 46 ഓളം ചിത്രങ്ങളാണ് കോഴിക്കോട് ലളിതകലാ അക്കാദമി ആർട്ട് ഗ്യാലറിയിൽ പ്രദർശനത്തിനുള്ളത്. അക്രിലിക്, വാട്ടർ കളർ, പെൻസിൽ എന്നിവ ഉപയോഗിച്ച് വരച്ച ചിത്രങ്ങളുടെ പ്രദർശനം ആറു ദിവസം കോഴിക്കോട് ലളിതകലാ അക്കാദമി ആർട്ട് ഗ്യാലറിയിൽ നീണ്ടുനിൽക്കും. പ്രത്യേക പരിഗണന അർഹിക്കുന്ന കുട്ടികളുടെ ഉന്നമനത്തിനായി പ്രവർത്തിക്കുന്ന കലാ പഠന ഗവേഷണ കേന്ദ്രമാണ് ബാലുശ്ശേരിയിലെ ശ്രാവണിക - അമാൽഗമേഷൻ ഓഫ് ആർട്ട്സ്. ചിത്രപ്രദർശനമായ 'വിങ്സ് ഓഫ് ഇമാജിനേഷൻ' കോഴിക്കോട്ടെ കലാ ആസ്വാദകരെ കൂടുതൽ ആകർഷിക്കുകയാണ്. ഡിസംബർ 5-ന് ചിത്രപ്രദർശനം അവസാനിക്കും.