ഐഎഫ്എഫ്കെ എക്സ്പീരിയൻസിയ; മനസിൽ ചില്ലിട്ടുവെച്ച സിനിമ പാരമ്പര്യത്തിന്റെ 30 വർഷങ്ങൾ

Last Updated:

കഴിഞ്ഞ 29 വർഷങ്ങളിലെ ഐ.എഫ്.എഫ്.കെ. കിറ്റുകളും ഡെലിഗേറ്റ് ഐഡി കാർഡുകളും സിനിമ മാത്രം നിറഞ്ഞുനിന്ന ഒട്ടേറെ ഫ്രെയിമുകളും ആരാധകർക്കു മുന്നിൽ പ്രദർശിപ്പിക്കുന്നു.

ഐഎഫ്എഫ്കെ എക്സ്പീരിയൻസിയ
ഐഎഫ്എഫ്കെ എക്സ്പീരിയൻസിയ
കേരള രാജ്യാന്തര ചലച്ചിത്ര മേളയുടെ 30 വർഷങ്ങളുടെ ഓർമ്മപ്പെടുത്തലുമായി ഐ.എഫ്.എഫ്.കെ. എക്സ്പീരിയൻസിയ പ്രദർശനത്തിന് തുടക്കമായി.
30-ാമത് ഐ.എഫ്.എഫ്.കെ.യിൽ ലൈഫ് ടൈം അച്ചീവ്മെൻ്റെ അവാർഡ് ജേതാവ് അബ്ദെർറഹ്‌മാൻ സിസ്സാക്കോ മൂന്നാം ദിവസം ടാഗോർ തിയറ്ററിൽ എക്സിബിഷൻ്റെ ഉദ്ഘാടനം നിർവഹിച്ചു.
തിരുവനന്തപുരം നഗരിയെ വരിനിൽക്കാൻ ശീലിപ്പിച്ച, അർദ്ധരാത്രികളിലും സംവാദങ്ങളിൽ ഏർപ്പെടാൻ പഠിപ്പിച്ച, അന്യഭാഷകളോട് പ്രണയത്തിലാവാൻ പ്രേരിപ്പിച്ച, അപരിചിത മുഖങ്ങളോടു പുഞ്ചിരിക്കാൻ ഉത്സാഹിപ്പിച്ച, ഡിസംബറിനെ കൂടുതൽ മനോഹരമാക്കാൻ സഹായിച്ച ഐ.എഫ്.എഫ്.കെ.യുടെ 30 വർഷങ്ങളാണ് ഐ.എഫ്.എഫ്.കെ. എക്സ്പീരിയൻസിയ അടയാളപ്പെടുത്തുന്നത്.
1994-ൽ കോഴിക്കോട് ആദ്യമായി തിരികൊളുത്തിയ സിനിമാ പ്രണയത്തിൻ്റെ വെളിച്ചം ഇന്നും അതേ ശോഭയിൽ പ്രതിഫലിക്കുന്നു. വിശ്വ വിഖ്യാത സിനിമകളും, ആദ്യ ചലച്ചിത്രോത്സവത്തിൻ്റെ പ്രദർശന ചിത്രങ്ങളും, ലോകം വാഴ്ത്തിയ സംവിധായകരുടെ റെട്രോസ്പെക്റ്റീവുകളും, കഴിഞ്ഞ 29 വർഷങ്ങളിലെ ഐ.എഫ്.എഫ്.കെ. കിറ്റുകളും ഡെലിഗേറ്റ് ഐഡി കാർഡുകളും സിനിമ മാത്രം നിറഞ്ഞുനിന്ന ഒട്ടേറെ ഫ്രെയിമുകളും ആരാധകർക്കു മുന്നിൽ പ്രദർശിപ്പിക്കുന്നു.
advertisement
ബാറ്റിൽഷിപ്പ് പൊട്ടംകിൻ, സിറ്റി ലൈറ്റ്സ്, റാഷമോൺ, എലക്ട്ര മൈ ലവ്, കാഞ്ചനസീത ഉൾപ്പെടെയുള്ള ക്ലാസിക്കുകളുടെ പോസ്റ്ററുകൾ സിനിമയുടെ ഇന്നലെകളിലേക്ക് വെളിച്ചം വീശുന്നു. ഗോദാർദ്, ഫ്രാൻസിസ്‌കോ റോസി, യൂസഫ് ഷഹീൻ, മൃണാൾ സെൻ, സയിദ് മിർസ, എംടി, പി എൻ മേനോൻ, ശാരദ ഉൾപ്പെടെയുള്ളവർ ഉള്ള ഒറ്റ ഫ്രെയിം പ്രദർശനത്തിലെ മുഖ്യ ആകർഷണമാണ്.
മലയാളം വാർത്തകൾ/ വാർത്ത/Thiruvananthapuram/
ഐഎഫ്എഫ്കെ എക്സ്പീരിയൻസിയ; മനസിൽ ചില്ലിട്ടുവെച്ച സിനിമ പാരമ്പര്യത്തിന്റെ 30 വർഷങ്ങൾ
Next Article
advertisement
മലപ്പുറം പൊൻമുണ്ടം പഞ്ചായത്തിൽ സിപിഎമ്മുമായി ചേർന്ന് ഭരണം പിടിച്ച കോൺ​ഗ്രസിനെതിരെ മുസ്ലിം ലീഗ്
മലപ്പുറം പൊൻമുണ്ടം പഞ്ചായത്തിൽ സിപിഎമ്മുമായി ചേർന്ന് ഭരണം പിടിച്ച കോൺ​ഗ്രസിനെതിരെ മുസ്ലിം ലീഗ്
  • മലപ്പുറം പൊൻമുണ്ടം പഞ്ചായത്തിൽ സിപിഎമ്മുമായി ചേർന്ന് ഭരണം പിടിച്ച കോൺ​ഗ്രസിനെതിരെ ലീഗ്

  • മുന്നണി മര്യാദ ലംഘിച്ചെന്ന് മുസ്ലീം ലീഗ് ആരോപിച്ചു, വിഷയത്തിൽ വിട്ടുവീഴ്ചയില്ലെന്ന് വ്യക്തമാക്കി

  • പൊൻമുണ്ടം പഞ്ചായത്തിൽ ലീഗിന് വെറും നാല് സീറ്റുകൾ മാത്രമാണ് ഇത്തവണ ജയിക്കാൻ കഴിഞ്ഞത്

View All
advertisement