മോനേ.. ഇതാണ് പൊളി ബസ് സ്റ്റാൻഡ്! മൂന്ന് നിലകളിലായി 44 പ്ലാറ്റ്ഫോമുകളും സ്മാര്‍ട്ട് സൗകര്യങ്ങളും

നഗരത്തിന് അഭിമുഖമായുള്ള മനോഹരമായ പ്രധാന കവാടം, വൃത്തിയുള്ള പ്രവേശന കവാടം, മികച്ച രീതിയിൽ സജ്ജീകരിച്ചിരിക്കുന്ന പാർക്കിംഗ് ഏരിയ, വിശാലമായ ബസ് കാത്തിരിപ്പ് കേന്ദ്രം, ചുവരുകളിലെ പരമ്പരാഗത ചിത്രങ്ങൾ എന്നിവയെല്ലാം കാണികളെ ആകർഷിക്കുന്നു. ഇന്ത്യയിലെ ഏറ്റവും ആഡംബരപൂർണമായ ബസ് സ്റ്റാൻഡ് എന്നാണ് ബാരാമുണ്ട ബസ് സ്റ്റാൻഡ് വിശേഷിപ്പിക്കപ്പെടുന്നത്. ഒഡീഷ മുൻ മുഖ്യമന്ത്രി നവീൻ പട്നായിക്കിന്റെ ഭരണകാലത്താണ് ഈ ബസ് സ്റ്റാൻഡിന്റെ വികസനം നടന്നത്.

15.5 ഏക്കറിലായി മൂന്ന് നിലകളിലായാണ് ഈ ടെർമിനൽ നിർമിച്ചിരിക്കുന്നത്. ഒരേസമയം 100 ഓട്ടോറിക്ഷകൾക്കും, 85ലധികം ഇരുചക്ര വാഹനങ്ങൾക്കും, 20ലധികം ടാക്സികൾക്കും ഇവിടെ പാർക്ക് ചെയ്യാം. പ്രതിദിനം 30,000 യാത്രക്കാർക്കും 700-800 ബസ്സുകൾക്കും ഈ ടെർമിനൽ സേവനം നൽകുന്നു. ഏകദേശം 200 കോടി രൂപ ചിലവഴിച്ചാണ് ഒഡീഷ സർക്കാർ ഇത് നിർമിച്ചത്.

ചുരുക്കത്തിൽ, പൗരന്മാരുടെ യാത്രാസൗകര്യം വർദ്ധിപ്പിക്കുന്നതിനും ലോകോത്തര നിലവാരമുള്ള അടിസ്ഥാന സൗകര്യങ്ങള്‍ ഒരുക്കുന്നതിനും ഒഡീഷ നടത്തുന്ന പരിശ്രമങ്ങളുടെ മികച്ച അടയാളമാണ് ബാരാമുണ്ട ബസ് സ്റ്റാൻഡ്.