Asha Sharath | 2002 മുതലുള്ള സുഹൃത്ത്; നടി ആശ ശരത് സിനിമയിലെത്താൻ കാരണമായ നടൻ

ചുരുണ്ടമുടിക്കാരിയായ പ്രൊഫസർ ജയന്തിയെ ആർക്കും മറക്കാൻ കഴിഞ്ഞെന്നു വരില്ല. കണ്ണട വച്ച കർക്കശക്കാരിയായ ആ അധ്യാപികയിലൂടെയാണ് പ്രേക്ഷകരുടെ മുന്നിലേക്ക് ആശ ശരത് (Asha Sharath) എന്ന നടി വന്നുചേർന്നത്. എന്നാൽ ചില ഭാഗ്യശാലികളായ താരങ്ങളെപ്പോലെ ആശ ശരത്തിനും സിനിമയ്ക്കായി അധിക നാൾ കാത്തുനിൽക്കേണ്ടി വന്നില്ല

പിന്നെ സിനിമയിലെ കഥാപാത്രങ്ങളിലൂടെ അറിയപ്പെട്ടു തുടങ്ങി ദുബായിക്കാരിയായ ഈ മലയാളി. എന്തിനും പിന്തുണയുമായി ഭർത്താവ് ശരത്തും കൂടെയുണ്ടായി. രണ്ടു മക്കളുടെ ഉത്തരവാദിത്തവും ഭംഗിയായി കൈകാര്യം ചെയ്താണ് ആശ അഭിനയ ജീവിതത്തിനു ചിറകുകൾ നൽകിയത് (തുടർന്ന് വായിക്കുക)

ഡാൻസ് ആണെങ്കിലും അഭിനയമാണെങ്കിലും ആശ ശരത്തിനു പ്രചോദനം ഭർത്താവ് ശരത്താണ്. വളരെ ചുരുങ്ങിയ ദിവസങ്ങൾ കൊണ്ട് ദുബായിൽ നിന്നും കേരളത്തിൽ വന്ന് സീരിയലിൽ അഭിനയിച്ചു മടങ്ങിപ്പോകാറാണ് ആശയുടെ അതുവരെയുള്ള പതിവ്

എന്നാൽ അപ്പോഴേക്കും ഒരാൾ സിനിമയിലേക്ക് ക്ഷണിച്ചിരുന്നു. വരവും പോക്കും എങ്ങനെയാകും എന്നുറപ്പില്ലാതിരുന്ന ആശ ആദ്യമൊന്നു മടിച്ചെങ്കിലും, പിന്നെ സമ്മതം അറിയിച്ചു. നടൻ എന്ന നിലയെക്കാൾ സുഹൃത്ത് എന്ന് ആശ വിളിക്കാൻ ആഗ്രഹിക്കുന്ന വ്യക്തിയാണദ്ദേഹം

സത്യൻ ഫൌണ്ടേഷൻ നാഷണൽ ഫിലിം അവാർഡ്‌സ് പുരസ്‌കാരം ഏറ്റുവാങ്ങുന്ന വേളയിലാണ് ആശ ആ കടപ്പാടിന്റെ കാര്യം വ്യക്തമാക്കിയത്. 'എന്റെ സിനിമയാണ്, താൻ അഭിനയിക്കൂ' എന്നായിരുന്നു സുഹൃത്തിന്റെ സ്നേഹോപദേശം

അങ്ങനെ 'ഫ്രൈഡേ' എന്ന സിനിമയിൽ ആശ ശരത് ആദ്യമായി അഭിനയിച്ചു. നടൻ വിജയ് ബാബുവാണ് ആശ ശരത്തിനു പ്രചോദനമായ ആ സുഹൃത്ത്

വന്നു പോകുന്ന കാര്യം എളുപ്പമാകുമോ എന്നൊന്നും ഉറപ്പില്ലായിരുന്നു എങ്കിലും ആശ സിനിമയുടെ ഭാഗമായി. ഒരു നീണ്ട സിനിമാ ജീവിതത്തിന്റെ തുടക്കമായിരുന്നു അത്

സീരിയലിൽ പ്രൊഫസർ ജയന്തി ആണെങ്കിൽ, സിനിമയിൽ ഗീതാ പ്രഭാകർ ആയാണ് ആശയെ ഇന്നും പ്രേക്ഷകർ അടയാളപ്പെടുത്തുന്നത്. 'ആന്റണി'യാണ് ആശ ശരത്തിന്റെ അടുത്ത ചിത്രം