ദൂരദർശൻ പരമ്പരയിലൂടെ തുടക്കം; ഇന്ന് മലയാള സിനിമാ പ്രേക്ഷർക്ക് ഈ നടിക്ക് പകരക്കാരില്ല

അഭിനയ പ്രതിഭകളെ സമ്മാനിച്ച കാര്യത്തിൽ മിനി സ്ക്രീൻ രംഗം വളരെ വലിയ പങ്ക് വഹിച്ചിട്ടുണ്ട്. ചെറിയ വേഷങ്ങളിൽ സീരിയൽ അഭിനയം തുടങ്ങിയ പലരും ഇന്നും അറിയപ്പെടുന്ന സിനിമാ താരങ്ങളാണ്. ആ വഴി സിനിമയിലേക്ക് വന്നവരിൽ നടന്മാരും നടിമാരും സംവിധായകരും ഉൾപ്പെടുന്ന പ്രതിഭകളുടെ ഒരു വലിയ പട്ടിക കാണാം. അത്തരത്തിൽ ഒരു തുടക്കക്കാരിയാണ് ഈ ചിത്രത്തിൽ

വേണു നായർ ഒരുക്കിയ ജാതകകഥകൾ എന്ന ദൂരദർശൻ പരമ്പരയിലൂടെ അഭിനയം കുറിച്ചയാളാണ് ഇത്. 1992ൽ പ്രക്ഷേപണം ചെയ്തു. മൂന്നു പതിറ്റാണ്ടുകൾ പിന്നിടുമ്പോൾ അദ്ദേഹത്തിന്റെ പത്നി ഗുർദീപ് കൗർ ആണ് ആ ഓർമ്മ പുതുക്കിയത്. അന്നത്തെ അഭിനയത്തിന് ശേഷം വളരെ വർഷങ്ങൾക്ക് ശേഷം സീരിയലൂടെ തന്നെ തിരികെയെത്തി സിനിമയിൽ പ്രവേശിക്കുകയായിരുന്നു ഈ നായിക (തുടർന്നു വായിക്കുക)

നടൻ മുരളി നായർ ആണ് മറ്റൊരു അഭിനേതാവ്. ജാതക കഥകൾ, മിഖായേലിന്റെ സന്തതികൾ തുടങ്ങിയ പരമ്പരകളാണ് നടിയും നർത്തകിയുമായ ആശ ശരത്തിനു തുടക്കം നൽകിയത്

അതിനു ശേഷം വിവാഹവും മക്കളും നൃത്തവുമായി വിദേശത്തു കഴിഞ്ഞ ആശയെ പ്രേക്ഷകർ പിന്നീട് കാണുന്നത് അവരുടെ പ്രിയപ്പെട്ട പ്രൊഫസർ ജയന്തിയായാണ്. ആശ ശരത്തിന്റെ മടങ്ങിവരവ് മാത്രമല്ല, കരിയർ ബ്രേക്ക് കൂടിയായി മാറി ഈ പരമ്പര. കുങ്കുമപ്പൂവ് എന്ന പരമ്പരയാണ് ആശയെ ശ്രദ്ധേയയാക്കിയത് 

2012ലെ ഫഹദ് ഫാസിൽ ചിത്രം 'ഫ്രൈഡേ'യിലൂടെ ആശ ശരത് സിനിമയിൽ പ്രവേശിച്ചു. അതേ വർഷം മൂന്നു ചിത്രങ്ങൾ പുറത്തിറങ്ങി -- കർമ്മയോദ്ധയും, അർദ്ധനാരിയും

മലയാളത്തിലെ രണ്ടു മുതിർന്ന സൂപ്പർ താരങ്ങൾക്കുമൊപ്പം ആശ ശരത് വേഷമിട്ടു കഴിഞ്ഞു. മമ്മൂട്ടി ചിത്രം 'പുള്ളിക്കാരൻ സ്റ്റാറാ', മോഹൻലാൽ നായകനായ ക്രൈം ത്രില്ലർ 'ദൃശ്യം' സിനിമകളിലെ ആശ ശരത്തിന്റെ വേഷങ്ങൾ ശ്രദ്ധിക്കപ്പെട്ടു

ദൃശ്യത്തിലെ ഗീത പ്രഭാകർ എന്ന പോലീസ് വേഷം ആശയുടെ കരിയറിന് വഴിത്തിരിവായി. സിനിമയുടെ രണ്ടു ഭാഗങ്ങളിലും ആശ ശരത് നിർണായക വേഷങ്ങൾ അവതരിപ്പിച്ചു. ഒട്ടേറെ വേദികളിൽ അതോടൊപ്പം നൃത്തം അവതരിപ്പിക്കുകയും ചെയ്തു

'വർഷം' സിനിമയിലെ പ്രകടനത്തിന് കേരളം ഫിലിം ക്രിട്ടിക്സ് അസോസിയേഷൻ പുരസ്കാരവും ലഭിച്ചു. ശരത് ആണ് ആശയുടെ ഭർത്താവ്. ഉത്തര, കീർത്തന എന്നിവർ മക്കൾ

മൂത്ത മകൾ ഉത്തര ശരത്തിന്റെ വിവാഹത്തിന് മകൾക്കും മരുമകനുമൊപ്പം ആശ ശരത്തും കുടുംബവും