'സ്ത്രീധനം വാങ്ങിയല്ല കല്യാണം കഴിച്ചത്, മകൾക്കും അതുണ്ടാകില്ല': മോഹൻലാൽ

താൻ സ്ത്രീധനം വാങ്ങി കല്യാണം കഴിച്ചയാളല്ലെന്ന് നടൻ മോഹൻലാൽ. തന്റെ മകൾ വിവാഹം കഴിക്കുമ്പോഴും അങ്ങനെയൊന്നും ഉണ്ടാകില്ല. മനോരമ ന്യൂസിനു നൽകിയ അഭിമുഖത്തിലാണ് മോഹൻലാൽ സ്ത്രീധനത്തെ കുറിച്ച് പറഞ്ഞത്.

ഞാൻ സ്ത്രീധനം വാങ്ങിയല്ല കല്യാണം കഴിച്ചത്. എന്റെ മകൾക്ക് കല്യാണം കഴിക്കാനും അങ്ങനെയൊന്നുമുണ്ടാകില്ല. അത് ശരിയല്ലെന്ന് തന്നെയാണ് അഭിപ്രായം. ഒരുപാട് സിനികമളിൽ സ്ത്രീധനത്തിനെതിരെ സംസാരിച്ചയാളാണ്.

അതിനാൽ തന്നെ ഉള്ളിൽ ഇത്തരം കാര്യങ്ങളെ പറ്റി സംഘർഷമുണ്ടാകും. ഇത്തരം കാര്യങ്ങൾ കേൾക്കുമ്പോൾ സങ്കടം തോന്നും. കൊല്ലത്ത് കുട്ടിയെ തട്ടിക്കൊണ്ടുപോയ വാർത്തയെ കുറിച്ചും മോഹൻലാൽ സംസാരിച്ചു.

അവനെ എങ്ങനെയെങ്കിലും പിടിച്ചോ എന്നാണ് നമുക്ക് അറിയേണ്ടത്. സമൂഹത്തിലുണ്ടാകുന്ന ഇത്തരം ക്രൈമുകളോട് ഒരുതരത്തിലുമുള്ള താത്പര്യമില്ല. അത്തരത്തിൽ സമൂഹത്തിലുണ്ടാകുന്ന ഒരു ക്രൈമിനെ പിടിച്ചു നിർത്തുന്ന സിനിമയാണ് തന്റെ പുതിയ ചിത്രം നേര് എന്നും മോഹൻലാൽ പറഞ്ഞു.

മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന ചിത്രമാണ് നേര്. ചിത്രത്തിൽ അഭിഭാഷകനായാണ് മോഹൻലാൽ എത്തുന്നത്. ഡിസംബർ 21 ന് ക്രിസ്മസ് റിലീസായാണ് നേര് തിയേറ്ററുകളിലെത്തുന്നത്.

ദൃശ്യം ഫെയിം അഡ്വ.ശാന്തി മായാദേവി യാണ് ചിചിത്രത്തിന്റെ തിരക്കഥ ഒരുക്കിയിരിക്കുന്നത്. വലിയ ഇടവേളയ്ക്കു ശേഷമാണ് മോഹൻലാൽ അഭിഭാഷകന്റെ വേഷത്തിൽ ബിഗ് സ്ക്രീനിൽ എത്തുന്നത്.

പ്രിയാമണി, ജഗദീഷ്, അനശ്വര രാജൻ, ഗണേശ് കുമാർ എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂരാണ് നേര് നിർമിച്ചത്.