Samantha| സാമന്തയെ പിന്നിലാക്കി രശ്മിക; ഇൻസ്റ്റഗ്രാമിൽ ഏറ്റവും കൂടുതൽ ഫോളോവേഴ്സുള്ള നായികമാർ

സാമന്ത, രശ്മിക മന്ദാന എന്നി നായികമാർ ഇന്ന് തെന്നിന്ത്യയിൽ മാത്രമല്ല, ബോളിവുഡിലും ഉയരങ്ങൾ കീഴടക്കുന്ന നടിമാരാണ്. സോഷ്യൽമീഡിയയിലും ഏറ്റവും കൂടുതൽ ഫോളോവേഴ്സുള്ള നടിമാരാണ് ഇരുവരും . (Image: Instagram)

ഇൻസ്റ്റഗ്രാമിൽ കൂടുതൽ ഫോളോവേഴ്സുള്ള നായിക എന്ന പദവി സാമന്തയിൽ നിന്നും ഇപ്പോൾ രശ്മിക സ്വന്തമാക്കിയിരിക്കുകയാണ്. പുതിയ കണക്കുകൾ അനുസരിച്ച് രശ്മികയാണ് പട്ടികയിൽ മുന്നിൽ നിൽക്കുന്നത്.

കരിയറിൽ വെറും ആറ് വർഷങ്ങൾക്കൊണ്ടാണ് രശ്മിക ഇന്ത്യയിൽ തന്നെ മുൻനിര നായികമാരുടെ പട്ടികയിൽ ഇടംനേടിയിരിക്കുന്നത്. ഇൻസ്റ്റഗ്രാമിൽ 32.7 മില്യൺ ഫോളോവേഴ്സാണ് രശ്മികയ്ക്കുള്ളത്.

ബോളിവുഡിലെ ആദ്യ ചിത്രം മിഷൻ മജ്നു പുറത്തിറങ്ങുന്നതിന് മുമ്പ് തന്നെ അമിതാഭ് ബച്ചനൊപ്പം 'ഗുഡ്ബൈ', റൺബീർ കപൂറിനൊപ്പം 'ആനിമൽ' എന്നീ ചിത്രങ്ങളിലും രശ്മിക നായികയായി.

ഇൻസ്റ്റഗ്രാമിൽ 24.3 മില്യൺ ഫോളോവേഴ്സാണ് സാമന്തയ്ക്കുള്ളത്. പുഷ്പയിലെ ഐറ്റം ഡാൻസും ആമസോൺ പ്രൈമിൽ പുറത്തിറങ്ങിയ ഫാമിലി മാനിലെ രാജി എന്ന കഥാപാത്രവുമാണ് സാമന്തയ്ക്ക് പാൻ ഇന്ത്യൻ ഇമേജ് നൽകിയത്.

വിവാഹത്തിനു പിന്നാലെ ആദ്യത്തെ കൺമണിയുടെ ജനനവുമെല്ലാം വ്യക്തി ജീവിതത്തിൽ കാജൽ അഗർവാളിനെ തിരക്കിലാക്കിയെങ്കിലും ആരാധകർക്കായി സോഷ്യൽമീഡിയയിലും സജീവമാണ് താരം. ഇൻസ്റ്റഗ്രാമിൽ ഏറ്റവും കൂടുതൽ ഫോളോവേഴ്സുള്ള നടിമാരിൽ മൂന്നാം സ്ഥാനത്താണ് കാജൽ. 23.4 മില്യൺ ഫോളോവേഴ്സാണ് കാജലിന് ഇൻസ്റ്റഗ്രാമിലുള്ളത്.

തെന്നിന്ത്യൻ സിനിമയിലും ബോളിവുഡിലും സജീവമാണ് നടി രാകുൽ പ്രീത്. ഇൻസ്റ്റഗ്രാമിൽ 22.2 മില്യൺ ഫോളോവേഴ്സുള്ള താരമാണ് പട്ടികയിൽ നാലാം സ്ഥാനത്ത്.

പൂജാ ഹെഗ്ഡെയാണ് കൂടുതൽ ഫോളോവേഴ്സുള്ള നടിമാരിൽ അഞ്ചാമത്. 21.2 മില്യൺ ആളുകളാണ് നടിയെ ഇൻസ്റ്റഗ്രാമിലൂടെ ഫോളോ ചെയ്യുന്നത്.