'വിജയദശമി ദിനത്തില്‍ അഭിമാന കുതിപ്പിൽ നയന്‍സ്'; കൈയ്യടിച്ച് ആരാധകർ

തെന്നിന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരമാണ് നയൻതാര. തെന്നിന്ത്യന്‍ നായികമാരുടെ കണക്കെടുത്താലും ഒന്നാമത് നയന്‍താര തന്നെയാണ്. എന്നാൽ താരം ഇപ്പോൾ മറ്റൊരു കാര്യത്തിനു പിന്നാലെയാണ്.

കൂട്ടിനു ഭർത്താവ് വിഗ്നേഷ് ശിവനും ഒപ്പമുണ്ട്. ഈയിടെയ്ക്കാണ് താരം ‘9 സ്കിൻ’ എന്ന പുത്തൻ ബ്രാന്റിലൂടെ സംരംഭക ലോകത്തു തിരിഞ്ഞത്.

എന്നാൽ ഉൽപ്പന്നങ്ങൾ പുറത്ത് വന്നതോടെ താരത്തിനു വലിയ വിമർശനങ്ങളാണ് നേരിടേണ്ടി വന്നത്. വില സാധാരണക്കാർക്ക് തങ്ങാൻ കഴിയില്ലെന്നാണ് വിമർശനം. സെലിബ്രിറ്റികളെ ലക്ഷ്യം വെച്ചാണ് 9 സ്കിൻ ആരംഭിച്ചിരിക്കുന്നതെന്നും സാധാരണക്കാർക്ക് ഈ വിലക്ക് ഉൽപ്പന്നങ്ങൾ വാങ്ങാൻ കഴിയില്ലെന്നും സോഷ്യൽ മീഡിയയിലൂടെ ആരാധകർ പറയുന്നത്.

എന്നാല്‍ ഇപ്പോഴിതാ വിമർശിച്ച ആരാധകരെ കൊണ്ട് തന്നെ കൈയ്യടി നേടിയിരിക്കുകയാണ് നയൻതാര. വിജയദശമി ദിനത്തിലാണ് ആരാധകർക്ക് സര‍പ്രൈസുമായി താരം എത്തിയിരിക്കുന്നത്. പുതിയ ഉത്പന്നം പുറത്തിറക്കി കൊണ്ടാണ് നയന്‍താര ഇത്തവണ എത്തിയത്.

ഫെമി9 എന്ന ഡെയ്ലി യൂസ് പാഡാണ് നയന്‍താര പുതിയതായി പുറത്തിറക്കിയിരിക്കുന്നത്. സംരംഭകയും, ജീവകാരുണ്യ പ്രവര്‍ത്തകയുമായി ഡോ.ഗോമതിയുമായി ചേര്‍ന്നാണ് നയന്‍താര ഈ ബ്രാന്‍റ് അവതരിപ്പിക്കുന്നത്.

ഈ വിജയദശമി ആഘോഷ വേളയില്‍ ഫെമി 9 ന്‍റെ അഭിമാനകരമായ യാത്രയും ആരംഭിക്കുകയാണ്. വ്യക്തി ശുചിത്വം സംബന്ധിച്ച ഒരു ബ്രാന്‍റ് മാത്രമല്ല ഫെമി 9. ഇത് ഒരോ സ്ത്രീയുടെയും ശക്തിയും സൌന്ദര്യവും ചേര്‍ന്നതാണ്. ഇത്തരം ഒരു ശക്തീകരണ സംരഭത്തെ പ്രോത്സാഹിപ്പിക്കൂ. തമ്മില്‍ സഹായിച്ച് വളരാം - ഫെമി 9 പരിചയപ്പെടുത്തി സോഷ്യല്‍ മീഡിയ താരം കുറിച്ചു.

പുതിയതായി ഇറക്കിയ ഫെമി 9 എന്ന ഉത്പന്നത്തോടൊപ്പം ഭര്‍ത്താവ് വിഘ്നേശ് ശിവനൊപ്പവും, ഡോ.ഗോമതിക്കൊപ്പവും ഉള്ള ചിത്രങ്ങള്‍ നയന്‍താര പോസ്റ്റ് ചെയ്തിട്ടുണ്ട്. ഇത്രേയും നല്ലൊരു കാര്യം ചെയ്ത താരത്തിനു അഭിനന്ദിക്കാൻ ആരാധകരും മറന്നില്ല.