Pahalgam| ഓപ്പറേഷന്‍ സിന്ദൂര്‍ പ്രമേയമാക്കിയുള്ള ചിത്രവുമായി മേജർ രവി; 'പഹൽഗാം' പൂജ നടന്നു
- Published by:Nandu Krishnan
- news18-malayalam
Last Updated:
പാൻ-ഇന്ത്യ റിലീസായാണ് ചിത്രം ഒരുങ്ങുന്നത്
ഓപ്പറേഷൻ സിന്ദൂർ, ഓപ്പറേഷൻ മഹാദേവ് എന്നീ സൈനിക മുന്നേറ്റങ്ങൾ പശ്ചാത്തലമാക്കി മേജർ രവി സംവിധാനം ചെയ്യുന്ന പഹൽഗാം എന്ന ചിത്രത്തിന്റെ പൂജ മൂകാംബിക ക്ഷേത്രത്തിൽ നടന്നു. പ്രസിഡൻഷ്യൽ മൂവീസ് ഇന്‍റർനാഷണൽ പ്രൈവറ്റ് ലിമിറ്റഡിന്റെ ബാനറിലൊരുങ്ങുന്ന ചിത്രത്തിന്റെ നിർമാണം സംവിധായകൻ മേജർ രവിയും നിർമ്മാതാവ് അനൂപ് മോഹനും ചേർന്നാണ് നിർവഹിക്കുന്നത്. പ്രശസ്ത ജ്യോതിഷ പണ്ഡിതൻ ജിതേഷ് പണിക്കർ, സംവിധായകൻ ജയറാം കൈലാസ് എന്നിവരുൾപ്പെടെയുള്ള മലയാള ചലച്ചിത്രലോകത്തെ പ്രമുഖർ പൂജാ ചടങ്ങിൽ പങ്കെടുത്തു.
advertisement
ഇന്ത്യൻ സൈനികരുടെ ദേശസ്നേഹം, ത്യാഗം, വികാരം, ആക്ഷൻ, കരുത്ത് എന്നിവ ആസ്പദമാക്കിയുള്ള ചിത്രം പാൻ-ഇന്ത്യ റിലീസായാണ് ഒരുങ്ങുന്നത്. ചിത്രം ഒന്നിലധികം ഭാഷകളിലേക്ക് ഡബ് ചെയ്യാനുള്ള പദ്ധതിയുമുണ്ട്.സ്‌ക്രിപ്റ്റ് പൂജ പൂർത്തിയായതോടെ, ചിത്രീകരണത്തിനായുള്ള ഒരുക്കങ്ങളും ആരംഭിച്ചിരിക്കുകയാണ്.
മേജർ രവിയോടൊപ്പം ഈ യാത്ര ആരംഭിക്കുന്നതിൽ അതിയായ സന്തോഷത്തിലാണെന്നും സിനിമയുടെ കഥ അത്യന്തം ശക്തമാണെന്നും പഹൽഗാം പ്രേക്ഷകർക്ക് എല്ലാ ഭാഷകളിലും ആഴത്തിൽ ബന്ധപ്പെടുമെന്ന് ഞങ്ങൾ വിശ്വസിക്കുന്നുവെന്നും നിർമ്മാതാവ് അനൂപ് മോഹൻ പറഞ്ഞു.
advertisement
'കീർത്തിചക്ര' ഉള്‍പ്പെടെയുള്ള ഒട്ടേറെ ദേശസ്നേഹ സിനിമകൾ പ്രേക്ഷകർക്ക് മുന്നിലെത്തിച്ചിട്ടുള്ള മേജർ രവി 'പഹൽഗാം' എന്ന ചിത്രത്തിലൂടെ അത് വീണ്ടും ആവർത്തിക്കുമെന്നും അതിശക്തമായ ആക്ഷനും വികാരഭരിതമായ കഥയും ചേർന്ന ഒരു ദൃശ്യാനുഭവമായിരിക്കും ചിത്രമെന്നും അണിയറപ്രവർത്തകർ വ്യക്തമാക്കി
ഛായാഗ്രഹണം: എസ്. തിരുനാവുക്കരാസു, എഡിറ്റിംഗ്: ഡോൺ മാക്സ്, സംഗീതം: ഹർഷവർധൻ രമേശ്വർ, പ്രൊഡക്ഷൻ ഡിസൈൻ: വിനീഷ് ബംഗ്ലാൻ, മേക്കപ്പ്: റോണെക്സ് സേവ്യർ, ആക്ഷൻ ഡയറക്ഷൻ: കേച ഖംഫഖ്ഡീ, സെക്കൻഡ് യൂണിറ്റ് ക്യാമറ: അർജുൻ രവി, പിആർഒ ആതിര ദിൽജിത്ത്.
advertisement
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
November 09, 2025 8:44 PM IST
മലയാളം വാർത്തകൾ/ വാർത്ത/India/
Pahalgam| ഓപ്പറേഷന്‍ സിന്ദൂര്‍ പ്രമേയമാക്കിയുള്ള ചിത്രവുമായി മേജർ രവി; 'പഹൽഗാം' പൂജ നടന്നു
