വണ്ടിപോകാത്ത നാട്ടുവഴിയിലൂടെ മക്കളുമായി പേളി മാണി; രക്തം രക്തത്തെ തൊട്ടറിഞ്ഞ മനോഹര നിമിഷം

പേളി മാണി (Pearle Maaney) എന്ന അമ്മയുടെ ഉത്തരവാദിത്തം ദിവസം ചെല്ലുംതോറും കൂടിക്കൂടി വരികയാണ്. മക്കളായ നിലയും നിതാരയും വളർന്നു വരുന്നു. നില സ്കൂളിലായി. നിതാര ഇനിയും നടന്നു പഠിക്കുന്ന പ്രായം പോലുമായിട്ടില്ല. ഒരു കുഞ്ഞിനെ സ്കൂളിൽ വിട്ട്, രണ്ടാമത്തെയാളെ ഓമനിച്ചും പരിപാലിച്ചും വളർത്തിയും ഇതിനിടെ തന്റെ വ്ലോഗർ ജീവിതം മുന്നോട്ടു കൊണ്ടുപോയും പേളി തിരക്കിലാണ്. ഇതിനിടെ ബന്ധങ്ങൾ മുറിഞ്ഞു പോകാതിരിക്കാൻ പേളി പ്രത്യേകം ശ്രദ്ധിക്കുന്നുണ്ട്

പേളി മാണിയുടെ ഏറ്റവും പുതിയ വീഡിയോയിൽ അവർ വാഹനം പോലും കടന്നു ചെല്ലാത്ത നാട്ടുവഴിയിലൂടെ രണ്ടു പിഞ്ചു കുഞ്ഞുങ്ങളുമായി നടന്നു നീങ്ങുന്ന ദൃശ്യം കാണാം. കൂടെ ശ്രീനിഷിന്റെ സഹോദരീ പുത്രിമാരായ ഋതികയും ശ്രുതികയും മറ്റു കുടുംബാംഗങ്ങളും ഉണ്ട്. കുഞ്ഞായ നില ചേച്ചിമാരിൽ ഒരാളുടെ ഒക്കത്തേറി. നിതാര അമ്മയുടെ കയ്യിലും. ഈ യാത്ര ഒരു വീട്ടിലേക്കാണ് (തുടർന്ന് വായിക്കുക)

അങ്ങകലെ ഒരു വീട്ടിൽ അവർക്കായി ഒരു മുത്തശ്ശി കാത്തിരിപ്പുണ്ടായിരുന്നു. ആഡംബരം ഏതുമില്ലാത്ത നാട്ടിൻപുറത്തെ ആ വീട്ടിൽ കുഞ്ഞ് നിതാരയെ കണ്ടതും അവർ വാരിപ്പുണർന്നു. രക്തം രക്തത്തെ തൊട്ടറിഞ്ഞ നിമിഷം എന്ന് വിളിക്കാം

ശ്രീനിഷിനും പേളിക്കും ഇതവരുടെ മുത്തശ്ശിയാണ്. ശ്രീനിഷിന്റെ അമ്മയുടെ മുഖച്ഛായയുള്ള പ്രിയ മുത്തശ്ശി. നിലക്കും നിതാരക്കും മുതുമുത്തശ്ശി. ഇളയ കുഞ്ഞ് പിറന്നതില്പിന്നെ ആദ്യമായാകും മുത്തശ്ശി നിതാരയെ കാണുന്നത്. ആ കുഞ്ഞിക്കവിളിൽ നിറയെ മുത്തശ്ശി ചക്കരയുമ്മ നൽകി

ശ്രീനിഷിന്റെ കുടുംബവുമായി ഏറെ അടുപ്പം സൂക്ഷിക്കുന്ന വ്യക്തിയാണ് പേളി മാണി. നിതാരയുടെ നൂലുകെട്ടു ചടങ്ങിൽ അച്ഛമ്മയാണ് കുഞ്ഞിനെ ഒരുക്കിയത്. അതേദിവസം, നിലയുടെ പൂർണ ചുമതല ഏറ്റെടുത്തത് ശ്രീനിഷിന്റെ കുടുംബമാണ്

മുത്തശ്ശിയുടെ അരികിലേക്ക് നടന്ന യാത്രയിൽ മനസ് നിറഞ്ഞു എന്ന് പേളി മാണി വീഡിയോ ക്യാപ്‌ഷനിൽ രേഖപ്പെടുത്തി. ഇടയ്ക്കിടെ പേളിയുടെ വീഡിയോയിൽ ശ്രീനിഷിന്റെ അമ്മ വന്നുപോകാറുണ്ട്

നില ബേബി കൊച്ചിയിലെ സ്കൂളിൽ പ്ലേസ്കൂൾ വിദ്യാർത്ഥിയാണ്. ഈ അധ്യയന വർഷം പഠനം ആരംഭിച്ചു. കുഞ്ഞിനെ സ്കൂളിൽ അയക്കുന്ന ദൃശ്യങ്ങളും പേളി മാണി വ്ലോഗ് ആയി ചെയ്തിരുന്നു

പേളി മാണിയുടെ മകൾ നില സ്കൂൾ യൂണിഫോമിൽ മുത്തച്ഛൻ മാണി പോളിനൊപ്പം. വളരെ സന്തോഷവതിയായി സ്കൂളിൽ പോകുന്ന കുട്ടിയാണ് നില