Pearle Maaney: മൂന്നാം വ്യക്തിയില്ല, പുറം ശബ്ദമില്ല...നമ്മൾ മാത്രം; ശ്രീനിഷിനൊപ്പമുള്ള 6 വർഷങ്ങളെക്കുറിച്ച് പേളി മാണി

മലയാളികൾക്ക് ഏറെ പ്രിയപ്പെട്ട താര ജോഡിയാണ് പേളി മാണിയും ശ്രീനിഷും. ബി​ഗ് ബോസ് എന്ന റിയാലിറ്റി ഷോയിൽ നിന്നുമാണ് ഇരുവരും പ്രണയത്തിലാകുന്നത്.

ഇപ്പോൾ രണ്ടു കുഞ്ഞുങ്ങളുമായി മനോഹര ജീവിതം നയിക്കുകയാണ് ഇരുവരും. തങ്ങളുടെ ജീവിതത്തിലെ ഓരോ സന്തോഷ നിമിഷങ്ങളും പേളി ആരാധകരുമായി പങ്കുവെക്കാറുണ്ട്.

ഇപ്പോൾ ശ്രീനിഷുമൊത്തുള്ള തന്റെ 6 വർഷത്തെ ദാമ്പത്യ ജീവിതത്തെക്കുറിച്ച് പേളി പങ്കുവെച്ച കുറിപ്പാണ് സോഷ്യൽ മീഡിയയിൽ ശ്രദ്ധയാകുന്നത്.

6 വർഷം 6 സെക്കന്റുകള്ഡ പോലെയാണ് തോനുന്നതന്ന് പേളി മാണി. ജീവിതത്തിലെ വിഷമഘട്ടങ്ങൾ ലഘുവാക്കുന്ന സ്നേഹവും സുരക്ഷിതത്വവും നൽകുന്ന വ്യക്തി.

എല്ലാം മനസ്സിലാക്കിയിട്ടില്ലാത്ത രണ്ട് ആളുകൾ, എന്നാൽ പരസ്പരം ഉണ്ടായിരുന്നു, അത് മതിയായിരുന്നു. ജീവിതത്തിലെ ചില ഘട്ടങ്ങളിൽ ഞങ്ങൾ ഇടറി, ഞങ്ങൾ പഠിച്ചു, ഞങ്ങൾ ചിരിച്ചു, ഞങ്ങൾ കരഞ്ഞു,

എന്നാൽ അതിലൂടെയെല്ലാം ഞങ്ങൾ ഒരു പ്രതിജ്ഞയെടുത്തു ലോകത്തെ നമ്മുടെ ചെറിയ പ്രപഞ്ചത്തിലേക്ക് ഒരിക്കലും പ്രവേശിക്കാൻ അനുവദിക്കരുത്. മൂന്നാം വ്യക്തിയില്ല, പുറം ശബ്ദമില്ല... നമ്മൾ മാത്രം.

ആ നിശബ്ദ പ്രതിജ്ഞ തങ്ങളുടെ നങ്കൂരമായെന്നും പരസ്പരം, തങ്ങൾ ഒരു ഉറ്റ സുഹൃത്തിനെ, ഒരു പങ്കാളിയെ, ഒരു കണ്ണാടിയെ, ഒരു സുരക്ഷിത ഇടത്തെ കണ്ടെത്തി.

ഇപ്പോള്‍ നമ്മള്‍ മാതാപിതാക്കളായി, അടുത്തടുത്തായി, ഇപ്പോഴും കാര്യങ്ങള്‍ മനസ്സിലാക്കുന്നു, ഓരോ സൂര്യോദയത്തിലും കൊടുങ്കാറ്റിലും കൈകോര്‍ത്ത് പിടിക്കുന്നുവെന്നും പേളി മാണി കുറിച്ചു.

ശ്രീനി... ജീവിതം വെറുതെ കടന്നുപോകുന്നില്ല. അത് പറയാന്‍ പറ്റിയ ഒരു കഥയായി മാറുന്നു. ജീവിക്കാന്‍ പറ്റിയ ഒരു യാത്ര, ആഘോഷിക്കാന്‍ പറ്റിയ ഒരു പ്രണയം—വീണ്ടും വീണ്ടും വീണ്ടും.

ആറാം വിവാഹ വാര്‍ഷിക ആശംസകള്‍. വാക്കുകള്‍ക്ക് താങ്ങാവുന്നതിലും അധികമായി ഞാന്‍ നിന്നെ സ്നേഹിക്കുന്നു. സ്നേഹത്തോടെ, നിങ്ങളുടെ പൊണ്ടാട്ടി എന്നാണ് പേളി മാണി കുറിച്ചത്.