John Abraham| ജോൺ എബ്രഹാമിനും ഭാര്യയ്ക്കും കോവിഡ്; താരം ഹോം ക്വാറന്റീനിൽ

ബോളിവുഡ് (bollywood)താരം ജോൺ എബ്രഹാമിനും (John Abraham)ഭാര്യ പ്രിയ രഞ്ജലിനും കോവിഡ് (Covid 19)സ്ഥിരീകരിച്ചു. ജോൺ എബ്രഹാം ഇൻസ്റ്റഗ്രാമിലൂടെയാണ് രോഗബാധയെ കുറിച്ച് അറിയിച്ചത്.

ഭാര്യയും താനും വീട്ടിൽ ക്വാറന്റീനിലാണെന്നും താരം അറിയിച്ചു. മൂന്ന് ദിവസം മുമ്പ് കോവിഡ് പോസിറ്റീവായ വ്യക്തിയുമായി താരം സമ്പർക്കത്തിലുണ്ടായിരുന്നു. ഇതിനെ തുടർന്ന് പരിശോധിച്ചപ്പോഴാണ് രോഗം സ്ഥിരീകരിച്ചത്.

ജോണിനും ഭാര്യയ്ക്കും നേരിയ ലക്ഷണങ്ങളാണുള്ളത്. തങ്ങൾക്ക് മറ്റാരുമായും സമ്പർക്കമില്ലെന്നും വീട്ടിൽ ക്വാറന്റീനിലാണെന്നും താരം അറിയിച്ചു. ഇരുവരും രണ്ട് ഡോസ് വാക്സിൻ സ്വീകരിച്ചിരുന്നു.

ഡിസംബർ 17നായിരുന്നു ജോൺ എബ്രഹാമിന്റെ പിറന്നാൾ. അടുത്ത സുഹൃത്തുക്കൾക്കും ഉറ്റവർക്കുമൊപ്പമായിരുന്നു താരത്തിന്റെ പിറന്നാൾ ആഘോഷം.

ബോളിവുഡിൽ അടുത്തിടെ നിരവധി താരങ്ങൾക്ക് കോവിഡ് 19 ബാധിച്ചിരുന്നു. കരീന കപൂർ, അമൃത അറോറ എന്നീ താരങ്ങൾക്കാണ് കോവിഡ് ബാധിച്ചത്. 

മലയാളി ബന്ധമുള്ള ബോളിവുഡ് നടനാണ് ജോൺ എബ്രഹാം. ജോൺ എബ്രഹാമിന്റെ പിതാവ് ജോൺ മലയാളിയാണ്. പാഴ്സിയായ ഫർഹാൻ ആണ് ജോണിന്റെ അമ്മ. ആലുവയാണ് ജോൺ എബ്രഹാമിന്റെ പിതാവിന്റെ നാട്.

മോഡലിങ്ങിലൂടെയാണ് ജോൺ എബ്രഹാം സിനിമയിലെത്തുന്നത്. 2003-ൽ ജിസംഎന്ന ചിത്രത്തിലൂടെയായിരുന്നു സിനിമയിലേക്കുള്ള അരങ്ങേറ്റം. ബിപാഷാ ബസുവായിരുന്നു ചിത്രത്തിലെ നായിക.