മാറ്റത്തിനായി കൈകോർക്കാം; ശംഖുമുഖത്ത് നാളെ 'ടൈഡ് ഓഫ് ചേഞ്ച്‌' മെഗാ ബീച്ച് ക്ലീനിംഗ് ക്യാമ്പയിൻ

നമ്മുടെ പരിസ്ഥിതിയെ സംരക്ഷിക്കേണ്ടതിൻ്റെ പ്രാധാന്യത്തോടൊപ്പം തന്നെ സമ്മതിദാനവകാശം വിനിയോഗിക്കേണ്ടതിൻ്റെ ആവശ്യകതയും പൊതുജനങ്ങളിലെത്തിക്കുക എന്നതാണ് ഈ കൂട്ടായ്മയുടെ പ്രധാന ലക്ഷ്യം. വരാനിരിക്കുന്ന തിരഞ്ഞെടുപ്പിൽ ജനാധിപത്യത്തിൻ്റെ കടമകൾ കൃത്യമായി നിറവേറ്റാൻ ഏവരെയും പ്രേരിപ്പിക്കുന്നതിനൊപ്പം പ്രിയപ്പെട്ട കടലോരം വൃത്തിയായി സൂക്ഷിക്കാനും ഈ പരിപാടിയിലൂടെ സാധിക്കും.

മാറ്റത്തിൻ്റെ ഈ വലിയ മുന്നേറ്റത്തിൽ പങ്കാളികളാകാൻ താൽപ്പര്യമുള്ള സന്നദ്ധപ്രവർത്തകർ 2026 മാർച്ച് 15 ഞായറാഴ്ച ശംഖുമുഖം ബീച്ചിൽ എത്തിച്ചേരേണ്ടതാണ്. പങ്കാളികളാകാൻ ആഗ്രഹിക്കുന്നവർക്ക് ഔദ്യോഗികമായി നൽകിയിട്ടുള്ള ലിങ്ക് വഴിയോ ക്യുആർ കോഡ് സ്കാൻ ചെയ്തോ മുൻകൂട്ടി രജിസ്റ്റർ ചെയ്യാവുന്നതാണ്. ഈ മഹത്തായ ഉദ്യമത്തിൻ്റെ ഭാഗമാകാൻ എല്ലാ പൗരന്മാരെയും ജില്ലാ ഭരണകൂടം സ്വാഗതം ചെയ്യുന്നു. തിരുവനന്തപുരം ജില്ലയെ സംബന്ധിച്ചിടത്തോളം ഏറ്റവും അധികം വിനോദസഞ്ചാരികൾ എത്തുന്ന ഒരു കടൽ തീരം കൂടിയാണ് ശംഖുമുഖം.