മാസ്ക് ധരിച്ചില്ലെങ്കിൽ പിഴ; എന്തൊക്കെ ധരിക്കാം? എങ്ങനെ ശ്രദ്ധിക്കണം? അറിയാൻ 15 കാര്യങ്ങൾ

സംസ്ഥാനത്ത് വ്യാഴാഴ്ച മുതല്‍ പൊതുസ്ഥലങ്ങളിലും ജോലിസ്ഥലങ്ങളിലും മാസ്ക് നിര്‍ബന്ധമാക്കി

നിര്‍ദ്ദേശം ലംഘിക്കുന്നവര്‍ക്കെതിരെ ഇന്ത്യന്‍ ശിക്ഷാനിയമത്തിലെ വകുപ്പ് 290 പ്രകാരം നടപടി സ്വീകരിച്ച് ബന്ധപ്പെട്ട കോടതിയില്‍ പെറ്റികേസ് ചാര്‍ജ്ജ് ചെയ്യും

200 രൂപയാണ് പിഴ

കുറ്റം ആവര്‍ത്തിക്കുകയാണെങ്കില്‍ 5000 രൂപ പിഴ ഈടാക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു

വീടുകളില്‍ നിര്‍മ്മിച്ച തുണികൊണ്ടുളള മാസ്ക്, തോര്‍ത്ത്, കര്‍ച്ചീഫ് എന്നിവയും ഉപയോഗിക്കാവുന്നതാണ്

പൊതുജനങ്ങളുടെ സുരക്ഷ മുന്‍നിര്‍ത്തിയും പകര്‍ച്ചവ്യാധി പടരുന്ന പശ്ചാത്തലത്തിലും പൊതുസ്ഥലങ്ങളിലും ജോലിസ്ഥലങ്ങളിലും എല്ലാവരും മാസ്ക് ധരിക്കണമെന്ന് കേന്ദ്ര, സംസ്ഥാന സര്‍ക്കാരുകള്‍ നിര്‍ദ്ദേശിച്ചിരുന്നു

മാസ്ക് ധരിക്കുമ്പോൾ ഇപ്പറയുന്ന കാര്യങ്ങൾ പാലിക്കാൻ മറക്കരുത്

കൈകൾ സോപ്പ് ഉപയോഗിച്ച് വൃത്തിയാക്കിയ ശേഷം വേണം മാസ്ക് ധരിക്കാൻ

മൂക്കും വായും മൂടുന്ന തരത്തിൽ വേണം മാസ്ക് ധരിക്കാൻ

ധരിച്ചു കഴിഞ്ഞാൽ മാസ്കിൽ തൊടരുത്

മാസ്കിൽ ശ്രവങ്ങളുണ്ടാവും. തൊട്ടാൽ ഉടൻ കൈകൾ വൃത്തിയാക്കുക

തുണിമാസ്കുകൾ തിളപ്പിച്ച വെള്ളത്തിലിട്ട് കഴുകി ഉണക്കി ഇസ്തിരിയിട്ട് വീണ്ടും ഉപയോഗിക്കാം

മാസ്ക് അഴിക്കുമ്പോൾ വള്ളികളിൽ മാത്രമേ സ്പർശിക്കാവൂ

പരമാവധി നാല് മണിക്കൂറാണ് ഉപയോഗ സമയമെങ്കിലും സ്രവങ്ങൾ പറ്റിപ്പിടിച്ചാൽ മാറ്റണം

ഉപേക്ഷിക്കുന്ന മാസ്ക് ബ്ലീച്ചിങ് ലായനിയിൽ മുക്കി അണുവിമുക്തമാക്കി മണ്ണിൽ കുഴിച്ചിടണം