ഭാര്യയെ മണ്ണെണ്ണ ഒഴിച്ച് തീ കൊളുത്തിയ സംഭവത്തിൽ ഭർത്താവ് അറസ്റ്റിൽ

മാള: ഭാര്യയെ മണ്ണെണ്ണ ഒഴിച്ച് തീ കൊളുത്തിയ സംഭവത്തിൽ ഭർത്താവ് അറസ്റ്റിൽ. തൃശൂർ വടമ കുന്നത്തുകാട് ആണ് സംഭവം. കുന്നത്തുകാട് സ്വദേശി 34കാരനായ അനൂപിനെയാണ് പൊലീസ് അറസ്റ്റ് ചെയ്തത്.

പൊള്ളലേറ്റ മുപ്പതുകാരിയായ സൗമ്യയെ തൃശൂർ മെഡിക്കൽ കോളേജ് ആശുപത്രിയിൽ അത്യാഹിത വിഭാഗത്തിൽ പ്രവേശിപ്പിച്ചിരിക്കുകയാണ്. ഭാര്യയെ മണ്ണെണ്ണ ഒഴിച്ച് കൊലപ്പെടുത്തിയതിന് കാരണം കുടുംബവഴക്ക് ആണെന്നാണ് പൊലീസ് പറയുന്നത്.

കഴിഞ്ഞദിവസം വൈകുന്നേരം നാലു മണിയോടെ ആയിരുന്നു സംഭവം. കുന്നത്തുകാട്ടിലെ വീട്ടിൽ വച്ചായിരുന്നു ക്രൂരകൃത്യം നടന്നത്. വാക്കുതർക്കം കൊടുമ്പിരി കൊണ്ടപ്പോൾ വീട്ടിൽ കരുതിയിരുന്ന മണ്ണെണ്ണ സൗമ്യയുടെ ദേഹത്തു കൂടി ഭർത്താവ് അനൂപ് ഒഴിക്കുകയും പിന്നാലെ തീ കൊളുത്തുകയുമായിരുന്നു.