വിവാഹ വാഗ്ദാനം നൽകി പീഡിപ്പിച്ചെന്ന് പരാതി; ടിക്ടോക് താരം അറസ്റ്റിൽ

കൊല്ലം: ബലാത്സംഗക്കേസില്‍ ടിക് ടോക് താരം അറസ്റ്റില്‍. കൊല്ലം കരുനാഗപ്പള്ളി കുറ്റിവട്ടം സ്വദേശി ഷാനവാസാണ് അറസ്റ്റിലായത്.

വിവാഹ വാഗ്ദാനം നൽകി കൊച്ചിയിലെത്തിച്ച് പീഡിപ്പിച്ചെന്നാണ് ഷാനവാസിനെതിരായ പരാതി.

ടിക് ടോക് താരവും മിസ്റ്റര്‍ കൊല്ലവുമാണ് ഷാനവാസ്. മലപ്പുറം പൊന്നാനി സ്വദേശിനിയായ 23 കാരിയാണ് പരാതിക്കാരി.

ടിക് ടോക് വീഡിയോയിലൂടെയാണ് മലപ്പുറം പൊന്നാനി സ്വദേശിനിയായ 23 കാരിയെ പരിചയപ്പെടുന്നത്. പിന്നീട് ഷാനവാസ് യുവതിയെ കൊച്ചിയില്‍ എത്തിച്ചു.

കൊച്ചിയില്‍ വെച്ച് പീഡിപ്പിച്ചെന്നാണ് പരാതി. യുവതിയില്‍ നിന്ന് ഷാനവാസ് സ്വര്‍ണ്ണവും തട്ടിയെടുത്തു. ഡിസിപി പൂങ്കുഴലിയ്ക്ക് ലഭിച്ച പരാതിയെത്തുടര്‍ന്ന് പൊലീസ് അന്വേഷണം നടത്തുകയായിരുന്നു.

ചോദ്യം ചെയ്യലിനായി ഷാനവാസിനെ കൊച്ചിയിലേയ്ക്ക് പൊലീസ് വിളിച്ച് വരുത്തി. ഇതിനെത്തുടര്‍ന്നാണ് അറസ്റ്റ് രേഖപ്പെടുത്തിയത്.

ഷാനവാസിനെതിരെ നേരത്തെയും പൊലീസ് കേസ് എടുത്തിട്ടുണ്ട്. സ്ത്രീധനം ആവശ്യപ്പെട്ട് ഭാര്യയെ പീഡിപ്പിച്ചെന്നാണ് കേസ്. പത്തനംതിട്ട പൊലീസാണ് ഇയാളെക്കെതിരെ കേസെടുത്തിരുന്നത്.