ആടൈയിലെ കൂടുതൽ ലുക്കുകളുമായി വീണ്ടും അമല പോൾ

തമിഴ് സിനിമാ പ്രേമികൾ ഏറെ ആകാംഷയോടെ കാത്തിരിക്കുന്ന ചിത്രമാണ് അമലാ പോളിനെ നായികയാക്കി 'മേയാത മാൻ' എന്ന കന്നി ചിത്രത്തിലൂടെ തന്നെ ശ്രദ്ധേയനായ സംവിധായകൻ രത്നകുമാർ അണിയിച്ചൊരുക്കുന്ന 'ആടൈ'

വി സ്റ്റുഡിയോയ്ക്കു വേണ്ടി വിജി സുബ്രമണ്യൻ നിർമ്മിച്ച 'ആടൈ' ജൂലായ് 19ന് ലോകമെമ്പാടും പ്രദർശനത്തിനെത്തുന്നു

കേരളത്തിൽ നൂറോളം തിയറ്ററിൽ പ്രദർശിപ്പിക്കാനാണ് ഒരുക്കം. ശിവഗിരി ഫിലിംസ്, ഹൈ ലൈറ്റ് ക്രിയേഷൻസ് ലിമിറ്റഡ് എന്നിവർ ചേർന്നാണ് റിലീസ് ചെയ്യുന്നത്

ഒരു സീനിൽ നഗ്നയായി അഭിനയിക്കണമായിരുന്നു. സെറ്റിൽ മൊബൈൽ ഫോൺ നിരോധിച്ചു. സെറ്റിലെ അംഗ സംഖ്യ പതിനഞ്ചായി പരിമിതപ്പെടുത്തി. അവർ എന്റെ സുരക്ഷയിൽ അതീവ ജാഗ്രത പുലർത്തി. പാഞ്ചാലിക്ക് അഞ്ച് ഭർത്താക്കൻമാരുടെ സംരക്ഷണം ഉണ്ടായിരുന്നു. എനിക്ക് പതിനഞ്ച് അണ്ണന്മാരുടെ കാവലുണ്ടായിരുന്നു സെറ്റിൽ. തന്റെ ആടൈ അനുഭവം അമലാ പോൾ പങ്കു വയ്ക്കുന്നു

"ഈ സിനിമ എല്ലാവർക്കും ഇഷ്ടപ്പെടുന്ന സിനിമയായിരിക്കും. അമലാ പോളിനോട് കഥ പറഞ്ഞപ്പോൾ അവർക്കും വളരെയധികം ഇഷ്ടപ്പെട്ടു. അവരും ജീവൻ കൊടുത്ത് അഭിനയിച്ചു. ഈ സിനിമ സ്ത്രീയുടെ അധികാരത്തെ കുറിച്ചോ സ്വാതന്ത്ര്യത്തെ കുറിച്ചോ പ്രതിപാദിക്കുന്ന സിനിമയല്ല. എല്ലാ സംവിധായകർക്കും അവരുടെ രണ്ടാമത്തെ സിനിമയാണ് വെല്ലുവിളി എന്ന് പറയാറുണ്ട്." സംവിധായകൻ രത്‌നകുമാർ പറയുന്നു

"സിനിമയുടെ ഫസ്റ്റ് ലുക്ക് പുറത്തിറങ്ങിയപ്പോൾ എല്ലാവരും ഇത് ആഭാസ സിനിമയായിരിക്കുമോ എന്ന് എഴുതുകയും വ്യാഖ്യാനിക്കയും ചെയ്തു. എന്നാൽ ഈ സിനിമ പുറത്തിറങ്ങുന്നതോടെ ആ ധാരണ മാറും എന്നാണ് എന്റെ വിശ്വാസം" രത്‌നകുമാർ കൂട്ടിച്ചേർത്തു

ആടൈയിലെ മറ്റു പ്രധാന താരങ്ങൾ രമ്യാ സുബ്രമണ്യൻ, ശ്രീരഞ്ജിനി, വിവേക് പ്രസന്ന, ബിജിലി രമേശ്, ടി. എം. കാർത്തിക്ക്, കിഷോർ ദേവ്, രോഹിത് നന്ദകുമാർ എന്നിവരാണ്

വിജയ് കാർത്തിക് കണ്ണൻ ഛായാഗ്രഹണം, എഡിറ്റിംഗ് ഷഫീഖ് മുഹമ്മദ് അലി, ആക്ഷൻ സ്റ്റണ്ണർ സാം, തമിഴ് നാട്ടിലെ പ്രശസ്ത മ്യുസിക്ക് ബാന്റായ പ്രദീപ് 'ഊരുകാ'യാണ് സംഗീത സംവിധാനം നിർവഹിച്ചിരിക്കുന്നത്

ചിത്രത്തിൽ അമലയുടെ മറ്റൊരു വേഷം