Robo Shankar : നടൻ റോബോ ശങ്കറിന്റെ പെട്ടെന്നുള്ള മരണത്തിന് കാരണമെന്ത്..? ഞെട്ടിക്കുന്ന വിവരങ്ങൾ പുറത്ത്

നടനും ടെലിവിഷൻ താരവുമായ റോബോ ശങ്കർ ഇന്നലെയാണ് അന്തരിച്ചത്. ആരോഗ്യപ്രശ്നങ്ങളെ തുടർന്ന് ചെന്നൈയിൽ വെച്ചായിരുന്നു അന്ത്യം.

മധുര സ്വദേശിയായ റോബോ ശങ്കർ ഒരു സ്വകാര്യ ടെലിവിഷൻ ചാനലിലെ 'കലക്കപ്പോവത് യാരു' എന്ന പരിപാടിയിലൂടെയാണ് ശ്രദ്ധേയനായത്. വ്യത്യസ്തമായ ഹാസ്യ ശൈലിയിലൂടെ പ്രേക്ഷകരെ ആകർഷിച്ച അദ്ദേഹം തമിഴ് പ്രേക്ഷകർക്കിടയിൽ ഏറെ പ്രശസ്തനാണ്.

തുടർന്ന്, നിരവധി വർഷം ടെലിവിഷൻ പരിപാടികളിൽ ഹാസ്യകലാകാരനായി പ്രവർത്തിച്ചതിന് ശേഷം അദ്ദേഹം സിനിമകളിൽ അഭിനയിച്ചു തുടങ്ങി. അജിത്തിനൊപ്പം 'വിശ്വാസം', ധനുഷിനൊപ്പം 'മാരി', വിഷ്ണു വിശാലിനൊപ്പം 'വേലൈന്നു വന്തിട്ടാ വെള്ളൈക്കാരൻ', സൂര്യയ്‌ക്കൊപ്പം 'സിങ്കം 3' എന്നിവയുൾപ്പെടെ നിരവധി സിനിമകളിൽ അദ്ദേഹം ശ്രദ്ധേയമായ വേഷങ്ങൾ ചെയ്തു.

ഇതേ സമയം തന്നെ അദ്ദേഹം സ്വകാര്യ ചാനലുകളിലെ പരിപാടികളിൽ വിധികർത്താവായി പങ്കെടുക്കുകയും ചെയ്തിരുന്നു. സിനിമയിലും ടെലിവിഷൻ രംഗത്തും തിരക്കിട്ട ജീവിതം നയിക്കുന്നതിനിടയിൽ, ഒരു വർഷം മുമ്പ് അദ്ദേഹത്തിന് മഞ്ഞപ്പിത്തം ബാധിച്ചു. രോഗം ഗുരുതരമായതിനെ തുടർന്ന് റോബോ ശങ്കറിന്റെ ശരീരഭാരം കുറയുകയും മെലിഞ്ഞ രൂപത്തിലാവുകയും ചെയ്തു.

തുടർച്ചയായ ചികിത്സയിലൂടെ മഞ്ഞപ്പിത്തത്തിൽ നിന്ന് മുക്തി നേടിയ റോബോ ശങ്കർ പിന്നീട് സിനിമകളിൽ അഭിനയിക്കാൻ തുടങ്ങി.

ഇതിനിടെ, അടുത്തിടെ 'ഗോഡ്‌സ്‌ജില്ല' എന്ന സിനിമയുടെ പൂജയിൽ റോബോ ശങ്കർ പങ്കെടുത്തിരുന്നു. അതുപോലെ, കഴിഞ്ഞ ചൊവ്വാഴ്ച ദുരൈപ്പാക്കത്തിനടുത്ത് നടന്ന ആ സിനിമയുടെ ഷൂട്ടിംഗിലും അദ്ദേഹം അഭിനയിച്ചിരുന്നു.

ഇതിനിടെ രക്തം ഛർദിച്ച് കുഴഞ്ഞുവീണ റോബോ ശങ്കറിനെ സിനിമയുടെ അണിയറപ്രവർത്തകർ ഉടൻ തന്നെ ആശുപത്രിയിൽ എത്തിച്ചു. തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം സംഭവിച്ചത്.