Vijay Sethupathi| മുൻ ശ്രീലങ്കന്‍ ക്രിക്കറ്റ് താരത്തിന്‍റെ ജീവിതം സിനിമയാകുന്നു; മുത്തയ്യ മുരളീധരനാകാൻ വിജയ് സേതുപതി

മുൻ ശ്രീലങ്കന്‍ ക്രിക്കറ്റ് താരം മുത്തയ്യ മുരളീധരന്റെ ജീവിതം സിനിമയാകുന്നു.

താരത്തിന്റെ ക്രിക്കറ്റ് കരിയറിലെയും ജീവിതത്തിലെയും പ്രധാനമുഹൂര്‍ത്തങ്ങള്‍ കോർത്തിണക്കിയാണ് ചിത്രം ഒരുക്കുന്നതെന്നാണ് സൂചന.

അന്താരാഷ്ട്ര ക്രിക്കറ്റില്‍ നിന്ന് വിരമിച്ചെങ്കിലും ശ്രീലങ്കന്‍ ക്രിക്കറ്റ് ചരിത്രത്തിലെ ഏറ്റവും മികച്ച താരങ്ങളിലൊരാളായ മുത്തയ്യക്ക് ഇപ്പോഴും ആരാധകരേറെയുണ്ട്.

ടെസ്റ്റ് ക്രിക്കറ്റില്‍ 800 വിക്കറ്റ് നേടിയിട്ടുണ്ട് . ടെസ്റ്റില്‍ ഏറ്റവും കൂടുതല്‍ വിക്കറ്റുകള്‍ വീഴ്ത്തിയതടക്കം നിരവധി റെക്കോഡുകള്‍ അദ്ദേഹത്തിന്റെ പേരിലാണ്.

മക്കള്‍ സെല്‍വന്‍ വിജയ് സേതുപതിയാണ് മുരളീധരനായി വേഷമിടുന്നത്.

ലോകപ്രശസ്ത ക്രിക്കറ്ററായി വേഷമിടാന്‍ അവസരം ലഭിച്ചതിൽ സന്തോഷമുണ്ടെന്ന് വിജയ് സേതുപതി പറഞ്ഞു.

ചിത്രത്തിന്റെ പോസ്റ്റര്‍ വിജയ് സേതുപതി തന്റെ ഔദ്യോഗിക ഫേസ്ബുക്ക് പേജിലൂടെ പുറത്തുവിട്ടു. നിരവധി ഭാഷകളില്‍ ചിത്രം റിലീസാവുമെന്നാണ് വിവരം.