'ചിരി'യാണ് മെയിനെന്ന് പോസ്റ്റ്; സംവിധാനം ചെയ്ത സിനിമകളിൽ അത് കണ്ടില്ലല്ലോയെന്ന് കമന്‍റ്; മറുപടിയുമായി രമേശ് പിഷാരടി

ഒന്ന് പൊട്ടിച്ചിരിച്ച ഫോട്ടോ ഫേസ്ബുക്കിൽ പോസ്റ്റിയപ്പോൾ അതിത്ര വലിയ വള്ളിക്കെട്ടാകുമെന്ന് രമേഷ് പിഷാരടി വിചാരിച്ചിട്ടുണ്ടാവില്ല. കുഞ്ചാക്കോ ബോബൻ, സംവിധായകൻ ജിസ് ജോയി എന്നിവർക്കൊപ്പം ചിരി പങ്കിടുന്ന ചിത്രമായിരുന്നു രമേഷ് പിഷാരടി പോസ്റ്റ് ചെയ്തതത്. ഒപ്പം, ഇങ്ങനെയൊരു കുറിപ്പും, 'ചിരിയാണ് സാറേ ഞങ്ങളുടെ മെയിൻ...'

ചിരി മെയിൻ ആണെന്ന് പ്രഖ്യാപിച്ച രമേഷ് പിഷാരടിയോട് ചിരിയുടെ കാരണം അന്വേഷിച്ച് നിരവധി പേരാണ് കമന്‍റ് ബോക്സിൽ എത്തിയത്. എന്നാൽ, ഒരു കമന്‍റ് പിഷാരടി സംവിധാനം ചെയ്ത സിനിമകളെക്കുറിച്ച് ആയിരുന്നു. ' പക്ഷെ താൻ സംവിധാനം ചെയ്ത രണ്ടു സിനിമകളിലും ഈ ചിരി ഉണ്ടായിരുന്നില്ല...'

എന്നാൽ, കമന്‍റടിച്ചയാളെ വെറുടെ വിടാൻ പിഷാരടിയും തയ്യാറായില്ല. 'അവിടെ ചിരി അല്ലാർന്നു മെയിൻ' എന്നാണ് പിഷാരടി മറുപടി കൊടുത്തത്.