COVID 19| ബ്രേക്ക്‌ ദ ചെയിൻ ക്യാമ്പയിന് കരുത്തേകാൻ പൂജപ്പുര ജയിൽ; മാസ്കും സാനിറ്റൈസറും നിർമ്മിക്കും

കോവിഡ് 19 പ്രതിരോധം ശക്തമാക്കുന്നതിന്റെ ഭാഗമായി സംസ്ഥാന സർക്കാർ മുന്നോട്ട് വച്ച ബ്രേക്ക്‌ ദ ചെയിൻ ക്യാംപെയ്നിനു കരുത്തേകുന്നതാണ് പൂജപ്പുര സെൻട്രൽ ജയിൽ അധികൃതരുടെ നടപടി.

ജയിൽ പുള്ളികളുടേ സഹായത്തോടെ 3000-5000 മാസ്ക് വരെയാണ് ദിവസേന ജയിലിൽ നിർമിക്കുന്നത്.

നിർമാണം പൂർത്തിയായ മാസ്കുകൾ ആരോഗ്യ വകുപ്പിന് കൈമാറും.

നഗരസഭയുടെ ആവശ്യപ്രകാരം സാനിറ്റൈസറിന്റെ നിർമാണവും ഇന്ന് ആരംഭിച്ചു. നിർമാണം പൂർത്തിയാക്കിയ ശേഷം സാനിറ്റൈസറുകൾ നഗരസഭക്ക് കൈമാറുകയും തുടർന്ന് സന്നദ്ധ സംഘടനകളുടെ സഹായത്തോടെ ജനങ്ങളിലേക്ക് എത്തിക്കുകയും ചെയ്യും.

10 രൂപയാണ് ഒരു മാസ്ക് നിർമിക്കാൻ ചിലവ് വരുന്നത്. ഇത് കണക്കിലെടുക്കാതെ സൗജന്യമായാണ് ജയിൽ അധികൃതർ മാസ്കുകൾ നിർമിച്ച് നൽകുന്നത്.

ഒരു ഷിഫ്റ്റിൽ20ലധികം ജയിൽ പുള്ളികളുടെ  സഹായത്തോടെയാണ് മാസ്ക് നിർമാണം.

സംസ്ഥാനത്തെ മറ്റ് ജയിലുകളിലും സമാനമായ രീതിയിൽ മാസ്ക് നിർമാണം നടക്കുന്നുണ്ട്.

8 ജയിലുകളിൽ നിന്നായി ദിവസേന  20, 000 മാസ്കുകൾ വരെ നിര്മിക്കുന്നുണ്ടെന്ന് ജയിൽ ഡിജിപി ഋഷിരാജ് സിംഗ് പറഞ്ഞു.