പനി, ചുമ, ശ്വാസ തടസം...! കോവിഡ് കാലത്തെ ഈ സുപരിചിത ഹലോ ട്യൂൺ ശബ്ദം ആരുടേത് ?

'പനി, ചുമ, ശ്വാസതടസം തുടങ്ങിയ ഉള്ളവരുവരുമായി അടുത്ത സമ്പർക്കം ഒഴിവാക്കുക. ഒരു മീറ്റർ അകലം പാലിക്കുക'. ദിവസങ്ങളായി നാം ഓരോ തവണയും ഫോൺ വിളിക്കുബോൾ  കേൾക്കുന്ന ബോധവൽക്കരണ സന്ദേശമാണിത്.

കോവിഡ് 19 പ്രതിരോധത്തിനായുള്ള  പ്രീ കോളർ ട്യൂണിന് ശബ്ദം നൽകിയിരിക്കുന്നത് ബിഎസ്എൻഎല്ലിലെ ജൂനിയർ അക്കൗണ്ട്സ് ഓഫീസറായ ശ്രീപ്രിയ വിയുടെതാണ്.

കോവിഡ് പ്രതിരോധത്തിനായി പ്രീ കോളർ ട്യൂണറാക്കിയ സന്ദേശം ഏവരും ഏറ്റെടുത്തു കഴിഞ്ഞു. ഇംഗ്ലീഷിൽ കേട്ടുകൊണ്ടിരുന്ന സന്ദേശം മലയാളത്തിലേക്ക് പരിഭാഷപ്പെടുത്തണമെന്നായിരുന്നു ആവശ്യം.

ആരോഗ്യ വകുപ്പിൽ നിന്ന് ബിഎസ്എൻഎല്ലിനെ സമീപിച്ചതിനെത്തുടർന്നാണ് എറണാകുളത്ത് ജൂനിയർ അക്കൗണ്ട്സ് ഓഫീസറായ ശ്രീപ്രിയയ്ക്ക്  ബോധവൽക്കരണ സന്ദേശത്തിന്റെ മലയാള പരിഭാഷ ഒരുക്കുന്നതിന് അവസരമൊരുക്കിയത്.

സർക്കാരിന്റെ ബോധവൽക്കരണ കാമ്പയിനിൽ ഭാഗമായത് വലിയ അവസരമാണെന്ന്  ശ്രീപ്രിയ പറയുന്നു. 1994-ൽ ടെലികമ്മ്യൂണിക്കേഷൻ വകുപ്പിൽ ജോലിയിൽ പ്രവേശിച്ച ശ്രീപ്രിയ റേഡിയോയിൻ ബിഎസ്എൻഎല്ലിന് പരസ്യം നൽകി തുടങ്ങിയതാണ്. പിന്നീട് അത് പതിവായി.

ഇപ്പോൾ ബിഎസ്എൻഎല്ലിൻറെ കേരള സർക്കിളിൽ  എല്ലാ പരിപാടികളുടെയും ശബ്ദംനൽകുന്നതും ശ്രീപ്രിയയാണ്.

സർക്കാരിന്റെ വിവിധ പരിപാടികൾക്ക് കോമ്പയറിങ് നടത്താറുണ്ട്.

എ കെ ആന്റണി മുഖ്യമന്ത്രിയായിരുന്ന കാലത്ത് തുടങ്ങിയതാണ്. പിന്നീട് ഇന്ത്യൻ പ്രസിഡൻ്റുമാരും പ്രധാനമന്ത്രിമാരും പങ്കെടുത്ത പരിപാടിയുടെ അവതാരകയായിട്ടുണ്ട്.

കുടുംബത്തിന്റെയും സഹപ്രവർത്തകരുടെയും വലിയ പിന്തുണയാണ് ശ്രീപ്രിയയ്ക്കുള്ളത്. <span style="color: #333333; font-size: 1rem;"> </span>