പുതിയ താരിഫ്; ജിയോ ഉപഭോക്താക്കൾക്ക് 15- 25 % ലാഭിക്കാം; എയർടെൽ, വോഡഫോൺ- ഐഡിയ പ്ലാനുകളുമായുള്ള താരതമ്യം ഇതാ...

പുതിയ ഓൾ ഇൻ വൺ പ്ലാൻ പ്രകാരം ജിയോ ഉപഭോക്താക്കൾക്ക് 15 മുതൽ 25 ശതമാനം വരെ ലാഭിക്കാം. എയർടെൽ, വോ‍ഡഫോൺ- ഐഡിയ പ്ലാനുകളുമായി താരതമ്യം ചെയ്യുമ്പോഴുള്ള കണക്കാണിത്.

129 രൂപയ്ക്കുള്ള പ്ലാൻ അനുസരിച്ച് മറ്റുള്ള മൊബൈൽ സേവന ദാതാക്കളെ അപേക്ഷിച്ച് ജിയോ ഉപഭോക്താക്കൾക്ക് 15 ശതമാനമാണ് ലാഭം. സമാനമായ പ്ലാൻ മറ്റു സേവന ദാതാക്കൾ നൽകുന്നത് 149 രൂപയ്ക്കാണ്.

199 രൂപയുടെ പ്ലാൻ അനുസരിച്ചാണെങ്കിൽ 25 ശതമാനമാണ് ജിയോ ഉപഭോക്താക്കൾക്കുള്ള ലാഭം. സമാനമായ പ്ലാനിന് എയർടെൽ, വോഡഫോൺ- ഐഡിയ ഉപഭോക്താക്കൾ 249 രൂപ മുടക്കണം.

പ്രതിദിനം മൂന്ന് ജിബി ലഭിക്കുന്ന ഒരു മാസത്തേക്ക് ജിയോയിൽ 349 രൂപയുടെ പ്ലാനാണ് ഉള്ളത്. എന്നാൽ എയർടെല്ലിൽ ഇത് 398ഉം വോഡഫോൺ- ഐഡിയയിൽ ഇത് 399 രൂപയുമാണ്.

ജിയോയുടെ പുതിയ പ്ലാനുകൾ ഡിസംബർ ആറിന് നിലവിൽ വരും