കോക്പിറ്റിലേക്ക് എത്രയും വേഗം മടങ്ങിയെത്തണമെന്ന് അഭിനന്ദൻ

കോക്പിറ്റിലേക്ക് എത്രയും വേഗം മടങ്ങിയെത്തണമെന്നാണ് ആഗ്രഹിക്കുന്നതെന്ന് അഭിനന്ദൻ വര്‍ത്തമാൻ ഔദ്യോഗിക വൃത്തങ്ങളോട് പറഞ്ഞതായി സൂചന

പാക് പിടിയിൽ നിന്ന് മടങ്ങിയെത്തിയ അഭിനന്ദന്റെ ഡീബ്രീഫിംഗ് നടപടികൾ പുരോഗമിക്കുകയാണ്

ഇതിനിടയിലാണ് എത്രയുംവേഗം യുദ്ധവിമാനങ്ങള്‍ പറത്താൻ തിരികെയെത്തണമെന്ന് അഭിനന്ദൻ അധികാരികളെ അറിയിച്ചത്.

ബലാകോട്ട് വ്യോമാക്രണത്തെ തുടർന്നുണ്ടായ സംഘർഷങ്ങൾക്കിടെയാണ് വ്യോമസേനാ വിംഗ് കമാൻഡർ പാക് സേനയുടെ പിടിയിലായത്. നിയന്ത്രണരേഖക്ക് സമീപം അഭിനനന്ദന്റെ മിഗ് 21 വിമാനം തകർന്നു വീഴുകയും രക്ഷപ്പെടാൻ ശ്രമിക്കുന്നതിനിടെ പാക് സേന അറസ്റ്റ് ചെയ്യുകയുമായിരുന്നു.

അഭിനന്ദനെ തിരികെ ഇന്ത്യയിലേക്ക് വിട്ടു നൽകാൻ ആഗോള തലത്തില്‍ സമ്മർദ്ദങ്ങൾ ഉയർന്നു. ഇന്ത്യയും നയതന്ത്ര നീക്കങ്ങൾ കടുപ്പിച്ചതോടെ അഭിനന്ദനെ മോചിപ്പിക്കുമെന്ന് പാക് സർക്കാർ അറിയിച്ചു

സമാധന നീക്കം എന്ന നിലയ്ക്കാണ് അഭിനന്ദനെ മടക്കി അയക്കുന്നതെന്നാണ് പാക് പ്രധാനമന്ത്രി ഇമ്രാൻ ഖാൻ അറിയിച്ചത്.