അഹമ്മദാബാദ് വിമാന അപകടം; സഹ പൈലറ്റ് നടൻ വിക്രാന്ത് മാസിയുടെ കുടുംബ സുഹൃത്ത്

വിക്രാന്ത് മാസി ഇൻസ്റ്റാഗ്രാമിൽ പങ്കുവച്ച കുറിപ്പിന്റെ പൂർണരൂപം ഇങ്ങനെ,' അഹമ്മദാബാദിൽ നടന്ന ദാരുണമായ വിമാനാപകടത്തിൽ ജീവൻ നഷ്ടപ്പെട്ടവരുടെ കുടുംബങ്ങ‌ളെയും പ്രിയപ്പെട്ടവരെയും ഓർത്ത് എന്റെ ഹൃദയം നുറുങ്ങുന്നു. എന്റെ അങ്കിൾ ക്ലിഫോർഡ് കുന്ദറിന് മകൻ ക്ലൈവ് കുന്ദറിനെ അപകടത്തിൽ നഷ്ടപ്പെട്ടു. വിമാനത്തിലെ ഫസ്റ്റ് ഓഫീസറായിരുന്നു അദ്ദേഹം. അമ്മാവനും കുടുംബത്തിനും അപകടത്തിൽ ദുരിതമനുഭവിക്കുന്ന എല്ലാവർക്കും ദൈവം ശക്തി നൽകട്ടെ'. വിക്രാന്ത് മാസി കുറിച്ചു.

അതേസമയം, മരിച്ച ക്ലൈവ് കുന്ദർ വിക്രം മാസിയുടെ കസിൻ ആണെന്ന് തെറ്റിദ്ധരിച്ച് വാർത്തകൾ പ്രചരിച്ചിരുന്നു. ഈ വർത്തകളോടും നടൻ പ്രതികരിച്ചു. കുന്ദർ കുടുംബം തങ്ങളുടെ കുടുംബ സുഹൃത്തുക്കളാണെന്നും അദ്ദേഹം തന്റെ കസിൻ അല്ലന്നും വിക്രാന്ത് മാസി അറിയിച്ചു.

advertisement