ഓഫീസ് സംസ്കാരത്തെ പരിഹസിച്ച സ്റ്റാൻഡ്-അപ്പ് കൊമേഡിയനെ ജോലിയിൽ നിന്ന് പിരിച്ചുവിട്ടു

"കമ്പനി എന്നെ പിരിച്ചുവിട്ടു. ഞാൻ ചെയ്ത 'കോർപ്പറേറ്റ് ബഹു' എന്ന റീൽ വൈറലായതാണ് കാരണം. നിങ്ങൾ ഓൺലൈനിൽ വീഡിയോകൾ ചെയ്യുന്നവരാണെങ്കിൽ സൂക്ഷിക്കുക. കമ്പനികൾ ഇതിനെ വളരെ ഗൗരവത്തോടെയാണ് കാണുന്നത്," അജയ് വീഡിയോയിൽ പറഞ്ഞു.

'അവർ എന്നെ ജോലിക്ക് എടുത്തതല്ല, വിവാഹം കഴിച്ച് വീട്ടിൽ കൊണ്ടുവന്നതാണ്'

തന്റെ സ്റ്റാൻഡ്-അപ്പ് ആക്റ്റിൽ കമ്പനിയെക്കുറിച്ച് താരം പറഞ്ഞ തമാശകൾ ഇങ്ങനെയായിരുന്നു: "കമ്പനി എന്നെ ജോലിക്ക് എടുത്തതല്ല, മറിച്ച് വിവാഹം കഴിച്ച് വീട്ടിൽ കൊണ്ടുവന്നതാണെന്നാണ് അവരുടെ വിചാരം. അവർ എന്നെ ഒരു ജീവനക്കാരനായല്ല, മരുമകളായാണ് കാണുന്നത്."

advertisement

മാനേജരെക്കുറിച്ചുള്ള പരാമർശം ഇങ്ങനെ: "എന്റെ മാനേജർ ഒരു മാനേജരല്ല, മറിച്ച് അമ്മായിയമ്മയെപ്പോലെയാണ്. ഞാൻ എപ്പോൾ വരുന്നു, എപ്പോൾ പോകുന്നു, എന്ത് കഴിക്കുന്നു, എത്ര തവണ ടോയ്‌ലറ്റിൽ പോകുന്നു എന്ന് വരെ അവർ ശ്രദ്ധിക്കുന്നു. ഇനി എച്ച് ആർ ആണെങ്കിൽ അമ്മായിയമ്മയുടെ മകനെപ്പോലെയാണ്. മാനേജർ പരാതി പറയുമ്പോൾ എച്ച് ആർ വന്ന് ചോദിക്കും, 'നീ എന്തിനാണ് അമ്മയെ വിഷമിപ്പിക്കുന്നത്?' എന്ന്."

ധൈര്യം സംഭരിച്ച് കമ്പനിയുടെയും മാനേജരുടെയും പേര് വെളിപ്പെടുത്തിയ അജയ്, മറ്റൊരു ജീവനക്കാരനോടും കമ്പനികൾ ഇങ്ങനെ പെരുമാറരുതെന്ന് ആഗ്രഹം പ്രകടിപ്പിച്ചു.

'സ്റ്റാൻഡ്-അപ്പ് കോമഡിയിൽ നല്ല ഭാവി'

അജയിന്റെ വീഡിയോ കണ്ട പലരും അദ്ദേഹത്തിന് പിന്തുണയുമായി രംഗത്തെത്തി. ജോലി പോയത് നന്നായെന്നും സ്റ്റാൻഡ്-അപ്പ് കോമഡിയിൽ അദ്ദേഹത്തിന് വലിയ ഭാവി ഉണ്ടെന്നുമാണ് സോഷ്യൽ മീഡിയയുടെ അഭിപ്രായം.

"ഇതാണ് യഥാർത്ഥ തമാശ, ജനങ്ങൾക്കിത് വേഗത്തിൽ മനസ്സിലാക്കാൻ സാധിക്കുന്നുണ്ട്," എന്ന് ഒരാൾ കമന്റ് ചെയ്തപ്പോൾ, "ഇത്രയും കഴിവുള്ളവർക്ക് എന്തിനാണ് മറ്റൊരു ജോലി?" എന്ന് മറ്റൊരാൾ ചോദിച്ചു. "സ്വന്തം ഫീൽഡിംഗ് സ്വയം സെറ്റ് ചെയ്തു" എന്നായിരുന്നു ഒരാളുടെ രസകരമായ പ്രതികരണം.