'ശോഭന ഭാവി' ആശംസിച്ച് ഉത്തർപ്രദേശിൽ നിന്നൊരു മരണ സർട്ടിഫിക്കറ്റ്

കഴിഞ്ഞ ജനുവരി 22 നാണ് ഉന്നാവിലെ സിർവാരിയ ഗ്രാമത്തിൽ ലക്ഷ്മി ശങ്കർ എന്നയാൾ മരണപ്പെടുന്നത്. അസുഖത്തെ തുടർന്ന് ഏറെ നാളായുള്ള ചികിത്സയ്ക്ക് ഒടുവിലായിരുന്നു അന്ത്യം.

ഇദ്ദേഹത്തിന്റെ മരണ സർട്ടിഫിക്കറ്റിനായാണ് മകൻ ഗ്രാമത്തലവനായ ബാബുലാലിനെ സമീപിച്ചത്. മകന്റെ ആവശ്യമനുസരിച്ച് പിതാവിന്റെ മരണ സർട്ടിഫിക്കറ്റ് നൽകുക മാത്രമല്ല, അദ്ദേഹത്തിന് ശോഭനമായ ഭാവിയും നേർന്നു ഗ്രാമമുഖ്യൻ.

മരണ സർട്ടിഫിക്കറ്റ് സോഷ്യൽ മീഡിയയിൽ വൈറലായതോടെ ഗ്രാമത്തലവൻ ഖേദപ്രകടനവും നടത്തി.