'വിനീതേട്ടന്‍ പണ്ടേ അവളോട് പറഞ്ഞതാ, കേട്ടില്ല'; സേവ് ദ ഡേറ്റ് വീഡിയോ പങ്കുവച്ച് ദീപക് പറമ്പോല്‍

ദീപകിന്റെയും അപർണയുടെയും വിവാഹ വാർത്ത വന്നതിന് പിന്നാലെ മനോഹരം എന്ന സിനിമയിലെ ഒരു രംഗം ഏറെ വൈറലായിരുന്നു. വിനീത് ശ്രീനിവാസന്റെ കഥാപാത്രം അപർണ അവതരിപ്പിക്കുന്ന കഥാപാത്രത്തോട് 'ഇവനെക്കാളും വലിയ വായിനോക്കി ഈ പഞ്ചായത്തിൽ ഉണ്ടാവില്ല. ഇവന്റെ വീട്ടിൽ ഫോട്ടോഷോപ്പ് എന്നല്ല വെളിച്ചെണ്ണ വാങ്ങിക്കാൻ പോലും നീ വന്നു എന്നറിഞ്ഞാൽ അതിലും വലിയ നാണക്കേട് വേറെയുണ്ടാവില്ല' എന്ന് പറയുന്നതാണ് രംഗം.

Also read-അപര്‍ണ ദാസും ദീപക് പറമ്പോലും വിവാഹിതരാകുന്നുവോ? ക്ഷണക്കത്ത് പുറത്ത്

ഈ സീൻ പങ്കുവെച്ചുകൊണ്ടാണ് ദീപക് സേവ് ദി ഡേറ്റ് അറിയിച്ചത്. 'വിനീതേട്ടൻ പണ്ടേ അവളോട് പറഞ്ഞതാ' എന്ന് വീഡിയോയ്ക്ക് നടൻ ക്യാപ്‌ഷനും നൽകിയിട്ടുണ്ട്. ഈ മാസം 24ന് വടക്കാഞ്ചേരിയില്‍ വെച്ചാണ് ഇരുവരുടെയും വിവാഹം.